Danyeli 2:37 - KITABU KITAKATIFU

³⁷ Ive, O mwami, u veye mwami wa vami, wa Nyasaye womigulu ya ku ha ubwami, ubunene, na tsingulu, na lidzominywa;

Danyeli 2:37 ပူးပေါင်းရင်းမြစ်များ

1 Avami 4:24

Kigira yameha ku kivala kyosi ku luvega yilu lwo Mugera, kutwula Tiiisa kuduka Gaza, igulu wavami vosi ku luvega yilu lwo Mugera: na ya li nemirembe tsimbega tsyosi tsyokukumbiridza.

2 Avami 25:28

na ya mu volera nobulahi, na a mu ha intebe yeye yobwami i ve igulu kuvita intebe yavami ava li halala naye mu Babuloni.

2 Kyetsinyinga 36:23

Kurusi mwami wa Persia a volanga, Ubwami bwosi bwelirova Yahova, Nyasaye womigulu, u heye inze; kandi u lagi inze kumwombakira inyumba ha Yerusalemi, li veye mu Yuda. U veye ku mwinye mu avandu veve vosi, Yahova Nyasaye wewe ave naye, yanegire, a tsie.

Ezara 1:2

Kurusi mwami wa Persia a volanga, Yahova, uyu Nyasaye womigulu u heye inze n ubwami bwosi bwelirova; na u lagi inze mwombakire inyumba ha Yeru salemi, li veye mu Yuda.

Ezara 7:12

Aritashashita, mwami wamavi, ibaruua yange yiyi i duka ku ive Ezara musalisi, mung'odi welilaga lya Nyasaye womigulu, mudukiru mirembe.

Zaburi 62:11

Nyasaye u voye lulala, Hali kaviri mbuliye yaga, Tsingulu tsi veye tsya Nyasaye.

Tsing'ano 8:15

Avami vamehanga kigira inze, Na avanene va kalaganga agobu lungi.

Isaya 10:8

Kigira a vola, Avanene vange si va veye avami vosi?

Isaya 47:5

Yikala u kiring'ane, yingira mkisu ndi O mukana wa Vakalidei; kigira u la vula kulangwa kandi Mukali wobwami.

Jeremia 28:14

Kigira Yahova wa mahe, Nyasaye wa Israeli a vola ndi: Inze mbiki inira yekivya ku magoti getsihiri yitsi tsyosi, va duke kutumekira Nebukadinezaru mwami wa Babuloni; va la mu tumekira kandi nda mu ha tsinyama tsyombulimu.

Jeremia 34:1

Likuva lya duka ku Jeremia kutwula ku Yahova, lwa Nebukadinezaru mwami wa Babuloni, na lihe lilye lyosi, nobwami bwosi bwelirova bwa li isi welyameha lilye, netsihiri tsyosi tsyavandu, tsya lwananga ku Yerusalemi, noku madala galyo gosi, na li vola:

Ezekieli 26:7

Kigira Mwami Nyasaye a vola ndi: Henza, nda leta Nebukadirezaru mwami wa Babuloni, yadze ku Turo uyu mwami wavami, u twulanga ku luvega lwa kasikasini, halala netsiparasi, narnagari gobulwani, navanina ku tsiparasi, nekiduma, navandu vanyingi.

Danyeli 1:2

Na Yahova ya vika Jehoiakim mwami wa Vayuda mu mukono gwigwe, halala nekidieli kyeviju vyenyumba ya Nyasaye; naye ya vi vugula na a tsia navyo kuduka mu kivala kya Shinaru mu inyumba yomunyasaye wewe; na a vika viju zana mu inyumba yakiba yomunyasaye wewe.

Danyeli 2:31

Ive, O mwami, wa lola, na, henza, kifwananyi kinene. Kifwananyi yiki, kya li nobunene, na ubung'ereng'anu bwakyo bwa li bulahi, kya singira imbiri wowo; na liloleka lyakyo lya li nobutihidzi.

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:3

Vilolekidzu vivye vi veye vinene ndi kandi ageligenya gege ga veye netsingulu ndi ubwami bwibwe bu veye bwemihiga nemihiga, kandi ubunene bwibwe bu lolekanga ku makula namakula.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 5:18

O ive mwami, Nyasaye Wegulu Ku Vyosi, ya ha Nebukadinezaru, dada wowo, ubwami, nobunene, nelidzominywa, nobukumi:

Danyeli 7:14

Na ya hebwa ubwamehi, nobukumi, nobwami, avandu vosi, netsihiri, netsinimi va mu tumekire: ubwamehi bwibwe bu veye ubwamehi bwemihiga nemihiga, bu li vula kuvita, kandi ubwami bwibwe bu veye ubuarni bu li vula kudividzwa.

Hosea 8:10

Yee, kali na a tunganga mu tsihiri, kalunu nda va vungidza halala; navo va tangi kugeha kigira umusigo gwomwami wavanene.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Yohana 19:11

Yesu ya mu tivulira, Ive si u nyala kuva netsingulu ku inze kali hakuzu, nu u ta hebwa tsi twula migulu: kigira yaga u veye nobwoni bunene nu uyo wa mbika mu makono gogo.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 17:14

Yava va la kolera Mwana Weligondi ubulwani, kandi Mwana Weligondi a la va guuta, kigira a veye Munene wavanene kandi Mwami wavami; kandi ava veye halala naye, ava langwa, navatovole, navasuuvirilu.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.

Likunula 5:12

ni va vola nomwoyo munene, U dukani Mwana Weligondi wiiteywi kuvugula linyala nobutugi, nobugeeri, netsingulu, nelidzominywa, nobukumi nobugasu.