Danyeli 2:31 - KITABU KITAKATIFU

³¹ Ive, O mwami, wa lola, na, henza, kifwananyi kinene. Kifwananyi yiki, kya li nobunene, na ubung'ereng'anu bwakyo bwa li bulahi, kya singira imbiri wowo; na liloleka lyakyo lya li nobutihidzi.

Danyeli 2:31 ပူးပေါင်းရင်းမြစ်များ

Isaya 13:11

Na inze nda kalagira lirova yili kigira ubudamano bwalyo, nava damano nda va kalagira kigira ubu kyamu bwavo; na nda heridza luyai lwa yavo avekirage, noluyai lwa yavo avatihidzi nda lu tsoma hasi.

Ezekieli 28:7

henza, nda leta avageni ku ive, avokutihidza avetsihiri; na va la somola vivavi vyavo ku bulahi bwobugeeri bubwo, na va la vika ububi ku bung'ering'anu bubwo.

Danyeli 2:36

Yili ni liloto; na kwinye ku la vuulira mwami livuula lyalyo.

Danyeli 2:37

Ive, O mwami, u veye mwami wa vami, wa Nyasaye womigulu ya ku ha ubwami, ubunene, na tsingulu, na lidzominywa;

Danyeli 3:1

Nebukadinezaru mwami ya lomba kifwananyi kyethahabu, ubutambi bwakyo bwa li mikono amakumi gatano na mulala, nobugalamu bwakyo bwa li gyitano na mulala: na ya ki singeridza mu kereremo kya Dura, mu iprovinse ya Babuloni.

Danyeli 4:36

Kandi inyinga zana yeyo limanya lyange lirana ku inze; na kigira ubukumi bwobwami bwange, ubunene bwange nobung'ereng'anu bwirana ku inze; na avakulundu vange navanene vange va nyenya; ninze nda singeri dzwa mu bwami bwange, na nda me dwa ubulahi bunene.

Habakuk 1:7

Va veye avokutihidza, avadamano ligali; likalaga lyavo, na ubukumi bwavo, vi twulanga muvo avene.

Matayo 4:8

Kandi, Setani ya mu hila mkigulu kitambi munonono, na a mmannya bwami bwosi bwelirova, nobukumi bwabwo;

Luka 4:5

Na Setani a mu nyinnya igulu mu kigulu kitambi na a mu mannya ubwami bwosi bwelirova ku inyinga inkekeke.