Danyeli 2:25 - KITABU KITAKATIFU

²⁵ Hene yaho Arioku ya hila Danyeli bwangu kuduka imbiri womwami, na a mu volera ndi, Inze nyoye mundu ku avana vobuhambe bwa Yuda, uyu a la vuulira mwami livuula zana.

Danyeli 2:25 ပူးပေါင်းရင်းမြစ်များ

Litanga 41:14

Hene yaho Farao ya tuma na a langa Yosefa, navo va mu leta bwangu kutwula mu inyumba ya hasi: naye yevega, nokugirunkanya tsingubo tsitsye, nokwingira imbiri wa Farao.

Nehemia 7:6

Yava va li avana voluprovinse, avanegira kutwula mu lyadekidzwa mu yavo ava hilwa avahambe, ava Nebukadinezaru mwami wa Babuloni ya hila mbuhambe, na virana Yerusalemi na Yuda, sa mulala ku lidala lilye;

Tsing'ano 24:11

U honnye yavo ava hilangwa mu likudza, Na yavo avenyanga kwiitwa, u va gayire.

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Danyeli 1:6

Kunangwa ku yava, ku avana va Yuda, va li Danyeli, na Hanania, na Mishaeli, na Azaria.

Danyeli 5:13

Hene yaho Danyeli yigeridzwa imbiri womwami. Mwami ya moloma na a volera Danyeli, Ive u veye Danyeli uyu, u veye ku avana ve lyadikidzwa lyo Buyuda, avo mwami dada wange ya twulidza mu Buyuda?

Danyeli 6:13

Ma va tivula ni va vola imbiri womwami, Danyeli uyo u veye ku avana velyadikidzwa lya Buyuda, si a hulira ive, O mwami, na lilaga lya wa vika ku lieta, navutswa a kolanga lisaala lilye hali gavaka ku lidiku.