23 Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.
Na a ta li Nyasaye wa dada wange, Nyasaye wa Abrahamu, na Uyu Welitibwa wa Isaka wa li halala ninze, nkano kalunu ligali, ive wa ka nkunga vutswa. Nyasaye u loli ubusaliri bwange na linyankana lya makono gange, na ya ku gaya ubudiku lwa veye.
Na ga duka inyinga yokuhaana kihaanwa kya mgolova, muprofeti Elija yisunda himbi, na a vola, O Yahova, Nyasaye wa Abrahamu, na Isaka, na Israeli, ga manyekane lero ive u veye Nyasaye mu Israeli, na inze mbeye mutu mekiri wowo, na nkoli vindu yivi vyosi nelikuva lilyo.
na ya vola, O Yahova, Nyasaye wavaguga vetu, ive si u veye Nyasaye migulu? Kandi si u veye wokwameha ku bwami bwosi bwetsihiri? Kandi tsingulu nobunyali vi veye mu mukono gugwo, mundu si a nyala kuhing'ana nive.
Kandi Nyasaye ya volera Musa, U la volera avana va Israeli inkuva yiyi, Yahova, Nyasaye wa avaguga venyu, Nyasaye wa Abrahamu, Nyasaye wa Isaka, na Nyasaye wa Yakobo, u ntumi ku mwinye: yili ni lieta lyange mihiga nemihiga, kandi ni lyokunzidzulitsira kuduka makula gosi.
Na mu lidiku yilyo u la vola, Inze nda santidza ive, O li Yahova; kigira kali wa vihirirwa na inze, ubutima bubwo bu mali kugirunkanywa kutwula ku inze, na u neminyanga mwoyo gwange.
Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.
va saale ku Nyasaye womigulu, tsimbabasi ku likuva yili li viseywi, Danyeli na avakye veve va vule kudividzwa halala na avandi avandu avageeri va Babuloni.
Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:
Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.
Kutwula kalunu si nyala kumulanga avatugwa; kigira mutugwa si a manya vyo wa mutuga a kolanga: navutswa mmu langi avalina; kigira vyosi vya nda hulira ku Dada wange, mmali kumuvolera.
Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;
Nomundu mulala ku vakulundu yavo ya mbolera, U ta lira mba; henza uyu King'ang'a u veye wehiri ya Yuda, Kitinya kya Daudi, u guuti a duke kukunula kitabu nokuboholola mihuri gyakyo gyitano na gyiviri.