Danyeli 2:22 - KITABU KITAKATIFU

²² a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 2:22 ပူးပေါင်းရင်းမြစ်များ

Litanga 41:16

Na Yosefa ya tivulira Farao, na a vola, Si ga veye mu inze: Nyasaye a la ha Farao litivula lyemirembe.

Ayubu 12:22

A vuulanga vindu vyomu luliva kutwula mkisundi, Na kiriri kyelikudza a ki letanga mu bulavu.

Ayubu 26:6

Kihadisi ki veye kyere imbiri wewe, Ubwoneku si bu veve nelikunika.

Zaburi 104:2

Wivikanga ubulavu kuli ingubo; U vambulanga ligulu kuli ingubo yokukinga;

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Zaburi 36:9

Kigira kisenukiru kvamadzi gelivamwoyo ki veye ku ive: Mu ubulavu bubwo ku la lola ubulavu.

Kohelethu 8:1

Ni bwaha u veye kuli wobugeeri? Kandi ni bwaha u manya kugirunkannya likuva? Ubugeeri bwomundu bu kolanga mmoni mwimwe kung'ereng'ana, nobudinyu bwommoni mwimwe bu girunkana.

Isaya 41:22

Va ki twulidze, va kwilwadzire aga lidza: mwilwadze vindu vyokutanga, ni vindu ki, ku duke kuviganagana, nokumanya ki heri kyavyo, kinga mu ku lolekidzire vindu vi li duka lwenyima.

Isaya 41:26

Ni bwaha yilwadza likuva yili kutwula mu litanga, ku li manye? Noku matsyambiri, ku duke kuvola, A veye wobulungi? Yee, si ha veye nomulala wilwadzanga, yee, si ha veye nomulala u lolekidzanga, yee, si ha veye nomulala u huliranga ma kuva genyu.

Isaya 42:9

Henza, vindu vyoku tanga vi duki, na mbuulanga vindu vihya; lwa vi kikiri kuloleka nda mu volera.

Isaya 45:7

Inze nomba ubulavu, nokukola kisundi; nda leta mirembe, na nda lomba bubi inze mbeye Yahova, wa kola vindu yivi vyosi.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 33:3

Wanire inze, na inze nda ku tivulira, na nda ku mannya vindu vinene ni vidinyu, vya ive u ta manya.

Danyeli 2:11

Nalyo li veye likuva li ta li lya kazozo lyomwami yenyanga, kandi si ha li no wundi u nyala kuvuula likuva yili imbiri womwami, ni va ta li vanya saye, avelimenya lyavo si li veye na avombiri.

Danyeli 2:19

Ku nangwa likuva li viseywi zana lya vuulwa ku Danyeli mu malola gobu diku. Hene yaho Danyeli ya santidza Nyasaye womigulu.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 5:14

Mbuliye ku ive, roho gwa avanya saye gu veye mu ive, kandi ubulavu na lihulira, na ubugeeri bulahi bu nyoleka mu ive.

Matayo 13:13

Yiki ni ki gira mba kupa tsing'ano; kigira lilola va vula kulola, lihulira va vula kuhulira, kandi si va manya.

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

Vafeso 3:5

aga vandu vamakula agandi ga vula kumannywa ku vana vavandu, kuli ga vuuleywi kalunu ku vatumwa vatakatifu noku vaprofeti mu Roho;

Kwidzulitsa 29:28

na Yahova ya viiha mu kivala kyavo nelivihirirwa, nobutima nobululu bunene, na a va ta mu kivala kindi, kuli ndi lero.

1 Timoteo 6:16

u veye neliwla kukudza yeng'ine, u menyanga mu bulaw obu tisundwa himbi; womundu a ta lola kali mulala, kandi si ha veye nomundu u nyala kumulola: kuye lidzominywa netsingulu tsi ve kuye mihiga nemihiga. Amini.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

1 Yohana 1:5

Yaga namakuva ga kwa hulira kuye, naga ku mwilwadzira, Nyasaye a veye bulavu, kandi si a veye nekisundi muye kali hakuzu.