Danyeli 2:21 - KITABU KITAKATIFU

²¹ Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 2:21 ပူးပေါင်းရင်းမြစ်များ

1 Avami 10:24

Na velirova vosi venya mmoni mwa Solomoni, va duke kuhulira ubugeeri bwibwe, bwa Nyasaye ya vika mu mwoyo gwigwe.

1 Avami 3:28

Na Israeli vosi va hulira makuva gelikalaga lyomwami ya kalaga; navo va mu tia: kigira va lola ubugeeri bwa Nyasaye bu veye halala naye, a duke kukola likalaga.

1 Avami 4:29

Nyasaye ya ha Solomoni ubu geeri bunyingi nelimanya linyingi, nomwoyo gwobuhaani, kuli umuyeke gu veye ku luginga lwenyanza.

1 Kyetsinyinga 22:12

Na Yahova a ku he tsiganagani nelimanya, kandi a ku he lyeganehi dza ku Israeli; ku yaga u duke kugu mira amalago ga Yahova Nyasaye wowo.

1 Kyetsinyinga 29:30

halala nelyameha lilye lyosi, netsingulu tsitsye tsyosi, netsinyinga tsya vita kuye, noku Israeli, noku bwami bwosi bwevivala vindi.

Esther 1:13

Ma mwami ya volera avandu avageeri ava li ni va manya tsinyinga (kigira miima gyomwami gya li ndiyo ku vosi ava manya amalago na likalaga;

Ayubu 12:18

A dendeyidzanga kibohera kyavami Nokuboha vikenge vyavo nolukova.

Kutwula 31:3

na mmali kumwizulitsa Roho wa Nyasaye, mu bugeeri, nomu limanya, nomu busidza bwemiyinzi tsingano tsyosi,

Kutwula 31:6

Na inze, henza, inze mbiki halala naye, Oholiabu, mwana wa Ahisamaku wehiri ya Dan; kandi mbiki ubugeeri mu myoyo gya vosi avobugeeri, va lombe vyosi vya nda ku laga:

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 10:1

Mu muhiga gwegyivaka gwa Kiru mwami wa Persia, Danyeli welieta lilye lya langwa Beliteshazaru ya vuulirwa kindu; na kindu kya li kyeligali, kya li ubulwani bunene: naye ya hulira kindu zana, kandi ya manya lilola.

Danyeli 11:6

Na ku kiheri kyemihiga va lehambannya halala; na mwana mukana womwami wa kusini a la tsia ku mwami wa kasikasini kulagana naye: navutswa tsingulu tsyomkono gwigwe tsi la gota; kandi muami si a la singira kinga mkono gwigwe; navutswa mukana uyu a la twulidzwa, navo ava mu leta, na uyu wa mwivula, naye wa mu vika tsingulu mu tsinyinga yitsyo.

Danyeli 2:20

Danyeli ya tivula na a vola, Lieta lya Nyasaye li gasidzwe imihiga nemihiga; kigira ubugeeri netsingulu ni vivye.

Danyeli 2:23

Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.

Danyeli 2:9

Navutswa ni mu va ni mu vula kummannva liloto, gu veye ho munwa mulala ku mwinye; kigira rnu lombi amakuva gobubehi na gobudamano kuvola imbiri wange, kuduka inyinga i luhe i girunkane: kunangwa mu mbolere liloto, na inze nda manya mu nyala kummannya livuula lyalyo.

Danyeli 4:14

Ya hanzuka, na vola ndi, Mu teme musala, mu halule tsisya tsyagwo, mu vungulule amatu gagwo, kandi mu salannye amakuyu gagwo: tsinyama tsi twule isi wagwo, na manyonyi ga twule ku tsisya tsyagwo.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:22

a veye ive O mwami, u viruki nokunyola tsingulu; kigira ubunene bubwo bu nenehi, na bu duki migulu, na ubwami bubwo bu duki ku kiheri kyelirova.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Varumi 13:1

Avandu vosi ava veye mwoyo vegehidze ku yava ava veye netsingulu kuvo: kigira si ha veye nowameha u vula kutwula ku Nyasaye; kandi avameha ava veho, Nyasaye ya va vika.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.