Danyeli 2:19 - KITABU KITAKATIFU

¹⁹ Ku nangwa likuva li viseywi zana lya vuulwa ku Danyeli mu malola gobu diku. Hene yaho Danyeli ya santidza Nyasaye womigulu.

Danyeli 2:19 ပူးပေါင်းရင်းမြစ်များ

Ayubu 4:13

Mu tsiganagani tsya twula mmalola gobudiku, Lwa tsindolo tsyamaveere tsi dukanga ku avandu,

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 2:22

a vuulanga ivindu vi veye mu luliva nomu liviswa; a manyanga vi veye mu kisundi, na ubulavu bu menyanga halala naye.

Danyeli 4:26

Kandi kuli va haana munwa kuleka kitinya kyemiri kyomusala; ubwami bubwo bu lirana ku ive ligali, inyima weliduka lilyo kumanya magulu gameha ligali.

Danyeli 4:9

O Beliteshazaru, munene wa avakumu, kigira mmanya roho wa vanyasaye vatakatifu gu veye mu ive, kandi si ha veye na kindu kyaviswa ki ku tamanga, u mbolere malolo geliloto lyange lya nda lola, na livuula lyalyo.

Danyeli 7:2

Danyeli ya moloma na a vola, Inze nda lola mu lilola lyange ubudiku, na henza, tsimbuudza tsine tsyomigulu tsya huudza netsingulu ku inyanza inene.

Danyeli 7:7

Na inyima wa yiyi nda lola mu maloto gobudiku, na henza, inyama yetsine, yokuti hidza na yetsingulu, na yobunyali bunyingi; kandi ya li na amino manene gekivya; ya lia nokudonnya vidonye, nokuduvaga nevirenge vyavo vindu vya tigala: ya li nelifwana lugano ku tsinyama tsyosi tsya li tsyembiri; na ya li netsinziga likumi.

Amosi 3:7

Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Joshua 22:33

Navana va Israeli va yanza inkuva yiyi; navana va Israeli va gasidza Nyasaye, si va vola kandi makuva gokutsia kuvo kulwana navo, nokwononya kivala kyavana va Rubeni navana va Gadi va menya mu.