Danyeli 2:11 - KITABU KITAKATIFU

¹¹ Nalyo li veye likuva li ta li lya kazozo lyomwami yenyanga, kandi si ha li no wundi u nyala kuvuula likuva yili imbiri womwami, ni va ta li vanya saye, avelimenya lyavo si li veye na avombiri.

Danyeli 2:11 ပူးပေါင်းရင်းမြစ်များ

Litanga 41:39

Kunangwa Farao ya volera Yosefa, Kigira Nyasaye ya ku mannya inkuva yiyi yosi, si ha veye nowobugeeri na welimanya kuli ive:

Litanga 41:8

Kunangwa mugamba mwoyo gwigwe gwa henda; naye tuma, na a langa avakumu vosi va Egepeti, na avageeri vosi: na Farao ya va volera liloto lilye; navutswa si ha li nomulala wa nyala kuvuulira Farao maloto gege.

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Kyetsinyinga 6:18

Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

Zaburi 132:14

Hano ha veye hokusosa hange mihiga gyosi; Nda menya hano; kigira nda lyenya.

Zaburi 68:18

Ive u nini migulu, u lanyi avahambe; U vuguliye avandu vihaanwa Yee, kali vya avatinguha, Yahova Nyasaye a menye ho.

Kutwula 29:45

Na inze nda menya halala na avana va Israeli, na nda va Ny asaye wavo.

Kutwula 8:19

Hene yaho avasegetiri va volera Farao Inkuva yiyi i veye kidete kya Nyasaye: na mwoyo gwa Farao gwa dinyeridzwa, naye si ya va hulira mba; kuli Yahova ya vola.

Isaya 47:12

Kalunu singira nobusegetiri bubwo, nobunyingi bwobukumu bubwo, bwa wa nyakana ku kutwula bwana buke; mbu'a u la nyala kukonywa, mbula u la guuta.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Isaya 8:18

Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.

Danyeli 4:4

Inze, Nebukadinezaru, nda li ni nsosanga mu inyumba yange, nokwelemeridza mu inyumba yange yobwami.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Joeli 3:21

Na ndogidza amasahi gavo aga nkikiri kwogidza: kigira Yahova a menya mu Zioni.

Livalidza 35:34

Na ive u tononya kivala kya u menya mu, kya inze mwene mmenya hagati hakyo: kigira inze Yahova mmenyanga hagati ha avana va Israeli.

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 14:17

Naye ni Roho wa geligali, wavomkivala va ta nyala kumuvugula; kigira si va mu lola, kandi si va mu manya: mwinye mu mu manya; kigira a menya na mwinye, naye a la va mu mwinye.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Likunula 21:3

Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo: