Danyeli 12:7 - KITABU KITAKATIFU

⁷ Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 12:7 ပူးပေါင်းရင်းမြစ်များ

Ayubu 27:2

Kuli Nyasaye a veye mwoyo, wa twulidza likalagirwa lyange, Na Wanyala Vyosi wa kupidza mwoyo gwange kivi

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Ezekieli 20:5

kandi u va volere, Mwami Nyasaye a vola ndi: Mu lidiku lya nda tovola Israeli, nokuginga umukono gwange ku visukululwi vye nyumba ya Yakobo, nokwelang'aminya kuvo mu kivala kya Egepeti, lwa nda visuhira, nokuvola, Inze mbeye Yahova Nyasaye wenyu;

Danyeli 10:5

nda ginga tsimoni tsyange, nokuhenza, na lola, mundu wa vikwa tsingubo tsyekatani, wekikenge kikye kya bofwa nethahabu inzere ya Ufazu:

Danyeli 11:13

Na mwami wa kasikasini a lirana, na a la leta kiduma kinene kuvita kyembiri; na a la duka ku inyinga yekiheri kyetsinyinga, kali ku kiheri kyemilliga, nelihe linene nevindu vinyingi.

Danyeli 12:6

Na mulala ya volera mundu wevika ingubo yekatani, wa li ku madzi gomugera igulu, na a vola, I la va inyinga ki kuduka ku kiheri kyevindu vyokugennya yivi?

Danyeli 12:8

Na nda hulira, navutswa si nda manya: kunangwa inze nda vola, Mwami wange, kiheri kyevindu yivi ki la va ndi?

Danyeli 4:31

Inyingalikuva yili lya li mu munwa gwomwami, mwoyo gwa twula migulu, ni gu uola, O mwami Nebukadinezaru, likuva yili li volerwa ku ive: Ubwami bu twuli ku ive:

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Danyeli 7:21

Nda lola, na ulwiga zana lwa kola lihe ku vatakatifu, nokuvaguuta;

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:14

Na ya mbolera, kuduka tsinyinga tsya mgolova netsya mugamba tsielfu tsiviri na tsimia tsivaka; ma hatakatifu ha la takaswa.

Danyeli 8:24

Na tsingulu tsitsye tsi la va tsinene ligali, navutswa si tsi la va netsingulu tsitsye mwene; na a la dividza neligennya, na a la menya bulahi nokukola ubulaliri buibwe; kandi a la dividza avetsingulu na avandu vatakatifu.

Luka 21:14

Kigira yaga mu saavire mu myoyo gyenyu, mu ta ganagana imbiri aga mu li tivula:

Luka 21:24

Kandi va la gwa ku bwogi bwekivavi, kandi va la hilwa avahambe mu tsihiri tsyosi: Tsihiri tsi la duvaga Yerusalemi, kuduka tsinyinga tsye Tsihiri tsi hera.

Kwidzulitsa 26:19

na a la ku vika igulu ku tsihiri tsyosi tsya ya lomba, ku ubukumi, noku lieta, noku lidzominywa; u duke kuva ihiri intakatifu ku Yahova Nyasaye wowo, kuli ya vola.

Kwidzulitsa 32:36

Kigira Yahova a la kalagira avandu veve, A la vererera avatumekiri veve; Inyinga a lola tsingulu tsyavo tsi twuli kuvo, Kandi si ha tigala nomundu, wa bofwa kinga wa bohololwa.

Kwidzulitsa 32:40

Kigira ng'inganga mukono gwange migulu, Nokuvola, Kuli mbeye mwoyo mihiga nemihiga,

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

Likunula 13:5

Kandi ya hebwa munwa gu volanga vindu vinene namanyego; kandi ya hebwa munwa kumenya imyeli makumi gane na gyiviri.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,