Danyeli 12:4 - KITABU KITAKATIFU

⁴ Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 12:4 ပူးပေါင်းရင်းမြစ်များ

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 29:11

Na malola yaga gosi ga gwiye ku mwinye kuli makuva gekitabu kya vikwa muhuri, kyavandu va letera mundu welimanya ligali, ni va vola, Mwadza, u soma likuva yili: naye ya vola, Inze si nyala, kigira kya vikwa muhuri:

Isaya 30:26

Kuvita yaga ubulavu bwomweli bu la leng'ana nobulavu bweliuva, nobulavu bweliuva bu la medeka hali gatano na gaviri, kuli ubulavu bwa madiku gatano na gaviri, mu lidiku lya Yahova a boha maduya gavandu veve, nokuhonnya liduya lyobutumiti lyavo.

Isaya 32:3

Na tsimoni tsya yavo ava lolanga si tsi la tsengera, na amatu ga yavo ava huliranga, ga la huliridza.

Isaya 8:16

Mubohe lilolekidza yilyo, na u vike muhuri ku malago hagati ha vegidzwi vange.

Jeremia 5:1

Mu nyagule yiyi na yiyi mu tsinzira tsya Yerusalemi, mu lole kalunu, nokumanya, nokwenya mu migidze gyalyo migalamu, nu u va nu u nyala kunyola musatsa mulala, na a va na a veye ho mulala u kolanga agobulungi, wenyanga ageligali; na inze nda sameha lidala yilyo.

Danyeli 10:1

Mu muhiga gwegyivaka gwa Kiru mwami wa Persia, Danyeli welieta lilye lya langwa Beliteshazaru ya vuulirwa kindu; na kindu kya li kyeligali, kya li ubulwani bunene: naye ya hulira kindu zana, kandi ya manya lilola.

Danyeli 10:14

Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

Danyeli 10:21

Navutswa nda ku volera yaga aga ng'odwa mu mang'oda ageligali: kandi si ha veye nomulala u singira halala na inze ku yavo, na a ta li Mikaeli munene wenyu. Kandi.

Danyeli 11:33

Kandi avobugeeri ku vandu va legidza avanyingi; navutswa va la gwa ku kivavi, noku lumemo, noku lilanywa, noku lyononywa, madiku manyingi.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 12:13

Navutswa ive u tsie kuduka ku inyinga yekiheri ki li va ho; kigira ive u la sosa nokusingira mu bugono bubwo, ku kiheri kyamadiku yago.

Danyeli 12:5

Kunangwa inze, Danyeli, nda henza, na henza, avandi vaviri va singira, mulala ku luginga ku luvega lwomugera yilu, na wundi ku luginga lwomugera ku luvega lundi.

Danyeli 12:9

Naye ya vola, Danyeli, u tsie; kigira makuva ga kunikeywi nokuvikwa muhuri kuduka inyinga yekiheri.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Danyeli 8:19

Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa.

Danyeli 8:26

Na malola getsinyinga tsya mgolova netsya mugamba aga voleywi ga veye ageligali: navutswa ive u kunike malola; kigira ga veye genyinga ya madiku manyingi gadza nga.

Matayo 24:14

Kandi amakuva malahi yaga gobwami ga lilwadzwa mu lirova lyosi ga ve kilolekidzu ku tsihiri tsyosi; ma kiheri ki la duka.

Varumi 10:18

Navutswa nteva, Si va hulira? Yee, ligali, Lwanga lwavo lwa twula nokuduka mu lirova lyosi, Kandi amakuva gavo ga duka ku tsindulu tsyelirova.

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.

Likunula 22:10

Kandi ya mbolera, U ta vika muhuri ku makuva gobuprofeti bwekitabu yiki; kigira inyinga i veye himbi.

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.