Danyeli 12:11 - KITABU KITAKATIFU

¹¹ Kandi kutwula inyinga zana yesadaka yokusambwa kazozo i la twulidzwa, ne livihiridza lyokwononya li singeridzwa, ha la va namadiku elfu na tsimia tsiviri namakumi gatano na gane.

Danyeli 12:11 ပူးပေါင်းရင်းမြစ်များ

Kutwula 29:38

Na vihaanwa vya u la haana ku bwali ni yivi: avana va magondi avomuhiga mulala, vaviri, lidiku na lidiku kazozo.

Ezekieli 4:6

Kandi lwa u dukidza yago, u la gonera ku mukono mulungi, na u la ginga ubudamano bwenyumba ya Yuda: madiku makumi gane, lidiku lilala li ve lyomuhiga mulala, ndagi ndiyo ku ive.

Danyeli 1:12

Mwadza u geridze kwinye avatumekiri vovo madiku likumi; va ku he tsingutsa ku lie, na amadzi ku nwe.

Danyeli 11:31

Kandi vyuma vyobulwani vi la singira hu luvega lwilwe, nava va la vika ubudamano mu hatakatifu, kali mu lugaga, kandi va la twulidza kihaanwa kyokusambua kya kazozo, nokusingeridza livihiriridza li kolanga hatswa.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Danyeli 8:26

Na malola getsinyinga tsya mgolova netsya mugamba aga voleywi ga veye ageligali: navutswa ive u kunike malola; kigira ga veye genyinga ya madiku manyingi gadza nga.

Danyeli 9:27

Na a la kola lilagana lidinyu na vanyingi ku inyinga yelisidza lilala: na ku inyinga yenusu yelisidza a la heridza isadaka na kihaanwa; na uyu u kolanga hatswa a ladza ku tsimbaha tsye livihiriridza; kuduka ku kiheri ligali, na yikyo kya saavirwa, ubutima bu la tsukwa ku yava va hatswa.

Hosea 3:4

Kigira ayana va Israeli va la menya madiku manyingi bugira mwami, na bugira munene, na bugira kihaanwa, na bugira itiru, na bugira kisibao na bugira kifwananyi:

Matayo 24:15

Lwa mu lola livihiridzwa lyokwononya ya Danyeli mprofeti ya vola, li singira mu hatakatifu (u somanga a manye),

Marko 13:14

Lwa mu li lola mudamano munonono wokwonogonnya na a singiye ha bu ta li bulahi a singire (a huiire wa soma), ava veye Ebuyuda inyinga yeyo viruke va tsie mu vigulu:

Likunula 11:2

Kandi mugidzi gwetempeli u gu leke u ta gu gera mba; kigira tsihiri va hebeywi gwene yigu: nelidala litakatifu va la li duvaga imyeli amakumi gane na gyiviri.

Likunula 12:6

Mukali yirukira mwigendanyama, aha li nobugono bwa Nyasaye ya mu lombera, ha zana va mu lagiridza ho madiku elfu na tsimia tsiviri na makumi gatano na lilala.

Likunula 13:5

Kandi ya hebwa munwa gu volanga vindu vinene namanyego; kandi ya hebwa munwa kumenya imyeli makumi gane na gyiviri.