Danyeli 12:10 - KITABU KITAKATIFU

¹⁰ Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Danyeli 12:10 ပူးပေါင်းရင်းမြစ်များ

Zaburi 107:43

Ku vosi wobugeeri a la gumira makuva yaga; Na va la ganagana tsimbabasi tsya Yahova.

Zaburi 51:7

U ntakase na husupo, na nda va munifu: U nzogidze, na nda va mulavu kuvita likonza.

Tsing'ano 1:5

Mundu wobugeeri a hulire, nokumeda limanya; Na mundu welimanya a duke kumanyeridza makuva madukanu:

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Ezekieli 36:25

Na nduha ama dzi malahi ku mwinye, na mu la va avanifu: nda mwogidza ububi bwenyu bwosi, na vifwananyi vyenyu vyosi.

Ezekieli 47:11

Navutswa hobudohi bu veye, nevidende vyagwo, ha la vula kuhonywa; ha la lekwa kuva ahomunyu.

Danyeli 11:33

Kandi avobugeeri ku vandu va legidza avanyingi; navutswa va la gwa ku kivavi, noku lumemo, noku lilanywa, noku lyononywa, madiku manyingi.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Danyeli 12:3

Kandi avobugeeri va laaka kuli ubung'ereng'anu bwombwerefu; na yava ava girunkannya avanyingi kulonda ubulungi va laaka kuli tsing'ereng'ani mihiga nemihiga.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Malaki 3:3

a likala kuli muhenzeridzi nokusiiya ifetha, na a la siiya avana va Levi, nokuvalengeridza kuli ithahabu na ifetha; na va la haana ku Yahova vihaanwa mu bulungi.

Marko 4:11

Na a va volera, Mwinye mu hebeywi kumanya amakuva ga viswa gobwami bwa Nyasaye: navutswa vosi va veye kyova va volerangwa mutsing'ano:

Luka 24:25

Kandi ya va volera, O avandu avasiru, avemyoyo midinyu kusuuvira vyosi vyavaprofeti va vola

Yohana 18:37

Kunangwa Pilatu ya mu volera, Nkani u veye mwami? Yesu ya tivula, Ive mwene u voye mbeye mwami. Yiki ni kigira ndivulwa, kandi yiki ni kigira nda duka mu lirova, nduke kulolekidza ageligali. Ku vosi u veye ku luvega lwa geligali a hulira mwoyo gwange.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Yohana 8:47

U veye ku Nyasaye a hulira amakuva ga Nyasaye: mwinye si mu hulira kigira si mu veye ku Nyasaye.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 12:10

Kigira yavo ligali madiku makekeke va ku ha amageli kuli va lola; navutswa uyu kigira kyambeti kyetu, ku duke kuva avasangi mu butakatifu bwibwe.

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.

Likunula 16:11

kandi va nyega Nyasaye womigulu kigira ubusaliri bwavo kandi kigira lwangaala lwavo; kandi si veganira ku miyinzi gyavo.

Likunula 19:14

Namahe gavasi kari ga veye migulu ava nina ku tsiparasi tsindavu, nokuvikwa ingubo yekatani indahi, nendavu ni siye ku, ga mu londa.

Likunula 19:8

Kandi ya hebwa yivike ingubo yekatani indahi, ing'ereng'anu ne siye ku: kigira ikatani indahi i veye vikolwa vilungi vyavatakatifu.

Likunula 22:11

U veye mukyamu a kole ubukyamu bundi: u veye wekifwabwi a kole kifwabwi kindi: u veye mulungi a kole ubulungi bundi: uyu u veye mutakatifu a kolwe mutakatifu kandi.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.

1 Samweli 24:13

Kuli lugano lwa makuva gavandu va kale lu volanga, Mu yavo avadamano ubudamano bu twulanga; navutswa mukono gwange gu la vula kuva ku ive.