Danyeli 11:45 - KITABU KITAKATIFU

⁴⁵ Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 11:45 ပူးပေါင်းရင်းမြစ်များ

Zaburi 48:2

Li veye lilahi lyekidiguluku, ubuyanzi bwelirova lyosi, Kigulu kya zioni, ku tsimbega tsya kasikasini Lidala lya Mwam; munene.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 11:9

Si va la saleridzana, kinga kwononnya mu kigulu kyange kitakatifu kyosi; kigira lirova li liizula limanya Yahova, kuli amadzi ga kunikanga inyanza.

Isaya 14:13

Na wa vola mu mwoyo gugwo, Inze ndanegira kuduka migulu, nda ginga intebe yange yobwami igulu kuvita tsing'ering'ani tsya Nyasaye; na ndikala ku kigulu kyelivugana, mu tsimbega tsyekiheri kyakasikasini;

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Isaya 65:25

Kisalang'ongo neligondi vi laya haiala, king'ang'a ki la lia bunyasi kuli ing'ombe yayanga; na lugukyi ga la va kyokulia kyenzoka. Si vi la saliridzana kandi si vi lononnyana mu kigulu kyange kitakatifu kyosi, Yahova a vola.

Isaya 66:20

Va la leta avamwavo venyu vosi kutwula mu tsihiri tsyosi kuva kihaanwa kyokuhaana ku Yahova, ku tsiparasi, noku magari, noku luderu, noku tsinyumbu, noku inyama yetsimbiru ligali va duke ku kigulu kyange kitakatifu, Yerusalemi, Yahova a vola, kuli avana va Israeli va leta vihaanwa vyavo mu kiju kilahi mu inyumba ya Yahova.

Ezekieli 39:2

na nda ku girunkannya inyima, nokukwimirira, nda ku leta wanegire kutwula ku viheri vya kasikasini; nda ku leta udze ku vigulu vya Israeli;

Danyeli 11:16

Navutswa uyu udzanga kulwana naye a la kola kuli mwene a yanza, kandi si ha la va nokusingira imbiri wewe; naye a la singira mu kivala kyobukumi, nomu mukono gwigwe gu la va nelidividza.

Danyeli 11:41

Kandi a lingira mu kivala kyobukumi, na vivala vinyingi vi la hinulwa; navutswa yivi vi ia honywa kutwula mu mukono gwigwe: Edom, Moabu, na vanene vavana va Amon.

Danyeli 11:44

Navutswa amakuva ga twula ivugwe na kasikasini ga la mu hendidza; na a la twula nobutima ubunene kudividza, nokweya vanyingi va dive ligali.

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Danyeli 7:26

Navutswa likalaga li la singeridzwa, na va la mu nyaga ubwami bwibwe, nokubukaminya, nokubudividza kuduka ku kiheri.

Danyeli 8:25

Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Danyeli 9:16

O Mwami, kuli ubulungi bubwo bwosi nku saalanga ligali, u leke ubutima bubwo nelivihirirwa lilyo vi girunkanywe kutwula ku lidala lilyo Yerusalemi, kigulu kikyo kitakatifu; kigira ku bwoni bwetu, noku mahyolo gavaguga vetu, Yerusalemi na avandu vovo va gwiye amanyego ku vosi ava menya ku tsindulu tsyetu tsyosi.

Danyeli 9:20

Inyinga nda li mu livola, nomu lisaala, nomu lyeyama ubwoni bwange nobwoni bwa avandu vange Israeli, nokusunda lisaala lyange imbiri wa Yahova Nyasaye wange kigira kigulu kitakatifu kya Nyasaye wange;

Joeli 2:20

navutswa lihe yili lyoluvega lwa kasikasini, nda li kunga ihale ku mwinye, li la duke mu kivala kyumu ki veye kyere, kidieli kye imbiri kyalyo ki lingira mu inyanza yevugwe, na kidieli kye inyima ki lingira mu inyanza yemadioli; na ubugundu bwalyo bu la senuka, na lifunya lidamano lilyo li la senuka, kigira li koli miyinzi minene.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Zekaria 14:8

Na ga la duka ku lidiku yilyo, amadzi ga veye mwoyo ga la twula mu Yerusalemi; luvega lulala kugo ga la tsia ku luvega lwenyanza yevugwe, na luvega lwago lundi ga la tsia ku luvega lwenyanza ye madioli: ga la va ndiyo inyinga yoluya noku inyinga yobukindu.

Livalidza 34:5

na lwako lu la kumbuka kutwula Azimon kuduka ku mugera gwa Egepeti, na litwulira lyalwo lu la va ku inyanza.

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

2 Vatesalonike 2:8

Hene yaho mudialu a la lang'aminywa, wo Mwami Yesu a liita nomwika gwonunwa gwigwe, nokumudividza neliang'aminywa lyelidza lilye;

Likunula 13:10

Ku vosi mundu na a va na a veye mu lilanya, a la lanywa, ku vosi mundu na a va ni yiita nekivavi, a liitwa nekivavi. Yaho niho ha veye ubwikudziri nelisuuvira lyavatakatifu.

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,

Likunula 20:9

Kandi vanegira mu bubambalalu bwelirova, ni va kumbiridza amasa gavatakatifu nelidala lya yanzwa: kandi muliru gwika kutwula migulu gwa va lia.