Danyeli 11:40 - KITABU KITAKATIFU

⁴⁰ Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 11:40 ပူးပေါင်းရင်းမြစ်များ

Isaya 21:1

Ubuliduhu bwekyagalangwi kye nyanza. Kuli vihudzudzi vya Kusini vi vitanga hagati, bu twula mu kyangalangwi, nomu kivala kyelitihidza.

Isaya 5:28

avandu ave mibano gyavo gyi veye miyogi ligali nobuta bwavo bwekumbi kwetegeka; tsimbagayu tsyetsiparasi tsyavo tsi la ganaganwa tsi veye magina madinyu, netsingida tsyatsyo kuli kihudzudzi:

Isaya 66:15

Kigira, henza, Yahova a ladza nomuliru, na magari gege gobulwani ga la va kuli kihudzudzi; kutunga ubutima bwibwe nobululu, neligondoka lilye lyolumemo lwomuliru.

Jeremia 4:13

Henza a lanegira kuli amalesi, namagari gege gobulwani ga la va kuli kihudzudzi: tsiparasi tsitsye tsi veye netsimbiru kuvita tsindidzu. Bayaye ku kwinye kigira ku lanyeywi.

Ezekieli 38:4

na nda ku girunkannya, nokuvika tsinzago mu tsisaya tsitsyo, na nda ku leta kyova, nelihe lilyo lyosi, tsiparasi na va ninanga ku tsiparasi, vosi vavo vivika vyuma, li veye lihe linene ligali va veye netsikuti netsingavo, vosi vavo va tumekira vivavi:

Ezekieli 38:9

Na ive u lanegira, u la duka kuli kihi, u la va kuli lilesi kukunika kivala, ive, na viduma vivyo vyosi, na avandu vanyingi halala nive.

Danyeli 11:10

Na avana avayai veve va la lwana, kandi va la vugannya kiduma kinene kyamahe, aga li duka, nokusalama, nokuvita hagati; na va lirana nokulwana kuduka kali ku lugaga lwilwe.

Danyeli 11:11

Kandi mwami wa kusini a la vihirirwa ligali, nokutsia kulwana naye, kali na uyu mwami wa kasika sini; naye a la tuma kiduma kinene, na kiduma kinene zana ki la vikwa mmakono gege.

Danyeli 11:13

Na mwami wa kasikasini a lirana, na a la leta kiduma kinene kuvita kyembiri; na a la duka ku inyinga yekiheri kyetsinyinga, kali ku kiheri kyemilliga, nelihe linene nevindu vinyingi.

Danyeli 11:22

Kandi avetsingulu tsinyingi kuvita va la guutwa imbiri wewe, na va la vunanywa; yee, kandi munene welilagana.

Danyeli 11:25

A la tsuva tsingulu tsitsye nobuluviriri bwibwe, nelihe linene kuhing'ana nomwami wa kusini; na mwami wa kusini a la hing'ana naye nelihe linene lyetsingulu kuvita; navutswa si a la singira; kigira va la lomba masaava kuye.

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Danyeli 11:39

A la kola amakuva gege ku tsingaga tsyetsingulu kuvita nobukonyi bwomunyasaye mugeni: noku vosi u mbugi rira a la meda nobukumi, kandi a la vamehidza ku vanyingi, nokugavula kivala ku buguli.

Danyeli 11:7

Navutswa mu lisibu lyekitinya kyomukana, mulala a la singira mu bugono bwibwe, u li tsia mu lihe na a lingira mu lugaga lwomwami wa kasikasini, na a la hing'ana navo nokuguuta.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 12:9

Naye ya vola, Danyeli, u tsie; kigira makuva ga kunikeywi nokuvikwa muhuri kuduka inyinga yekiheri.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Habakuk 3:14

Wa hudula mitwe gya valuviriri veve nevisala vivye mwene: Vadza kuli kihudzudzi kusalannya inze; Liyanza lyavo lya li kuli kulia avadaka makiriri.

Zekaria 9:14

Na Yahova a la loleka kuva igulu kuvo: na mbano gwigwe gu la tsia kuli luheni; na Mwami Yahova a la kupa kisiliva, na a la tsia halala nekihudzu dzi kya kusini.

Likunula 16:12

Kandi wa vatano na mulala yagulula kituva kikye ku mugera munene, Farati; kandi amadzi gagwo guma, inzira i lomberwe avami ava twula ebutwuliru bweliuva.

Likunula 9:16

Na hesabu yavandu va nina ku tsiparasi ya li tsielfu likumi hali tsielfu likumi kandi hali kaviri: nda hulira hesabu yavo.