Danyeli 11:36 - KITABU KITAKATIFU

³⁶ Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 11:36 ပူးပေါင်းရင်းမြစ်များ

Zaburi 136:2

Mu santidze Nyasaye wa vanyasaye Kigira tsimbabasi tsitsye tsi veye ho mihiga nemihiga.

Zaburi 33:10

Yahova a kolanga litovola lya vetsihiri kuva vutswa; Kandi a kolanga tsiganagani tsya avandu kuvula kukola kindu.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Isaya 10:23

Kigira kiheri kya lagwa, Yahova, Yahova wa mahe, a la ki kola hagati helirova lyosi.

Isaya 10:25

Kigira ikikiri inyinga inkekeke ubutima bwange ku ive bu la heridzwa, nelivihirirwa lyange li la duka ku lidividzwa lilye.

Isaya 10:5

O ive Muasuria, u veye impimbo yobutima bwange, mundu wekivihiri kyange ki veye mukono gugwo

Isaya 14:13

Na wa vola mu mwoyo gugwo, Inze ndanegira kuduka migulu, nda ginga intebe yange yobwami igulu kuvita tsing'ering'ani tsya Nyasaye; na ndikala ku kigulu kyelivugana, mu tsimbega tsyekiheri kyakasikasini;

Isaya 14:14

nda nina igulu kuvita ubwerefu bwamalesi; ndekola mwene kuva lugano lulala na uyu U Veye Igulu Ligali.

Isaya 26:20

Hambi, mwinye avandu vange, wingire mu tsinyumba tsitsyo, u hane miliango gyigyo ku ive: wivise inyinga inkekeke, kuduka lwa kivi ki viti.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 57:9

Na wa tsia ku mwami na maguta, nokumeda vyomwayu vivyo, wa tuma avatumwa vovo va tsia ihale, na welegannya ive mwene kuduka mu Kihadisi.

Ezekieli 28:2

Ive mwana womundu, u volere munene wa Turo, Mwami Nyasaye a vola ndi: Kigira mwoyo gugwo gwegingi, na wa vola, Inze mbeye munyasaye, nzikaye ku intebe ya Nyasaye, hagati hetsinyanza; navutswa u veye mu ndu, si u veye Nyasaye mba, kali ni wa vika mwoyo gugwo kuli mwoyo gwa Nyasaye;

Ezekieli 35:13

Mwinye mwiidzominyi avene ku inze neminwa gyenyu, nokumeda makuva genyu ku inze: nga huliye.

Danyeli 11:16

Navutswa uyu udzanga kulwana naye a la kola kuli mwene a yanza, kandi si ha la va nokusingira imbiri wewe; naye a la singira mu kivala kyobukumi, nomu mukono gwigwe gu la va nelidividza.

Danyeli 11:3

Na mwami wetsingulu a la singira, u lyameha ku bwami bunene, na a la kola kuli ubulaliri bwibwe.

Danyeli 11:37

Kandi si a la vererera avanyasaye vavaguga veve, kinga lyenya lyavakali, kinga munyasaye ku vosi; kigira a lenenehidza ku vosi.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 2:47

Na mwami ya tivula na a volera Danyeli, na a mu volera, Ligali, Nyasaye wowo a veye Nyasaye wa vanyasaye, na umwami wa avami, na muvuuli wevindu vya viswa, kigira wa nyala kumbuulira liviswa yili.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Danyeli 5:19

na kigira ubunene bwa ya mu ha, avandu vetsihiri tsyosi, na vetsimpya tsyosi, navetsinimi tsyosi, va degera nokutia imbiri wewe: wa ya yanza kwiita, yiita, na wa ya yanza kuva mwoyo, ya mu leka mwoyo; na wa yenya kunenehidza, ya nenehidza, na wa yenya kugehidza, ya mu gehidza.

Danyeli 5:20

Navutswainyingamwoyo gwigwe gwigingira, na roho gwigwe gwa gwa mudinyu kuduka ya kola ubwigingiri, ya twulidzwa ku intebe yeye yobwami, na va nyaga ubukumi bwibwe:

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Danyeli 8:19

Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa.

Danyeli 8:4

Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Zekaria 11:16

Kigira, henza, nda singeridza mwayi mu kivala, u li vula kutsia kuhenza yavo avagoti, kinga kwenya avasalannywa, kandi si a la honya avononnywa, kinga kulagiridza ava veye avalamu; navutswa a la lia inyama yomubiri gwomukomeru, nokutandula tsimbagayu tsyavo.

Yohana 5:30

Si nyala kukola kindu inze mwene: kuli mbuliranga nkalaga ndiyo; kandi likalaga lyange li veye lilungi; kigira si nyenya ubulaliri bwange, navutswa ubulaliri bwa uyu wa ntuma.

Yohana 6:38

Kigira si nda twula migulu kukola ubulaliri bwange, navutswa ubulaliri bwa uyu wa ntuma.

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Kwidzulitsa 10:17

Kigira Yahova Nyasaye wenyu, niye Nyasaye wa avanyasaye, nomwami wavami, Nyasaye munene, wetsingulu, nelitihidza, u vulanga kuhenza liloleka lyavandu, kinga kuvugula vikukula.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

2 Vatesalonike 2:4

u kolanga ubuhing'ani nokwiidzominya mwene ligali ku vyosi vi langwa Nyasaye, noku vyosi vi sigamirangwa, kuduka kwikala hatakatifu ha Nyasaye, nokwelang'aminya mwene a ve Nyasaye.

2 Vatesalonike 2:8

Hene yaho mudialu a la lang'aminywa, wo Mwami Yesu a liita nomwika gwonunwa gwigwe, nokumudividza neliang'aminywa lyelidza lilye;

Joshua 22:22

Yahova, Nyasaye, Wanyala Vyosi, Yahova, Nyasaye, Wanyala Vyosi, niye u manya; na Israeli a la manya: ni ga va ni ga veye mu butingu, kinga ni ga va ni ga veye mu lihyolo ku Yahova (u ta ku honnya lero),

Likunula 10:7

navutswa mu madiku gomwoyo gwengelosi wa katano na kaviri lwa yenya kukupa, vyaviswa vya Nyasaye vi la malilika, kuli lilwadza lilahi lilye lya yilwadzira avatugwa veve avaprofeti.

Likunula 12:14

Kandi mukali ya hebwa amabaha gaviri gendidzu inene, a bulukire kutsia mwigendanyama ha bugono bwibwe, ha a lagiridzwa inyinga, netsinyinga, nenusu yenyinga, a twule imbiri wenzoka.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 17:17

Kigira Nyasaye ya vika mu myoyo gyavo kukola ubu laliri bwibwe, nokukola imbulirani avene navene nokuha uyu inyama ubwami bwavo, kuduka amakuva ga Nyasaye ga dukidzwe.

Likunula 17:3

Ya mbilira mu Roho kuduka mu kyangalangwi: kandi nda lola mukali ni yikaye ku inyama inzakanyu, yizula ameta gamanyego, yemitwe gyitano na gyiviri netsinziga likumi.