Danyeli 11:30 - KITABU KITAKATIFU

³⁰ Kigira bwato bwa Kitim bu la mu twulira; kigira yaga a la vereridzwa, naye a lirana, kandi a la va nobutima ligali ku lilagana litakatifu, nokukola uga a yanza: na a lirana, nokuhulira yavo ava lekanga lilagana litakatifu.

Danyeli 11:30 ပူးပေါင်းရင်းမြစ်များ

Litanga 10:4

Na avana va Javan, Elisha, na Tarshishi, na Kitim, na Dodanim.

1 Kyetsinyinga 1:7

Navana va Javan: Elisha, na Tarshishi, na Kitim, na Rodanim.

Nehemia 6:12

Na nda lola si a veye Nyasaye wa mu tuma mba; navutswa mwene ya vola buprofeti yibu ku inze: na vanga Tobia na Sanbalati va li ni va mu tungi.

Isaya 23:1

Ubuliduhu bwa Turo. Mu kupe tsikwili, mwinye amato ga Tarshishi; kigira lyononnyeywi ligali, kuduka si ha veye nonyumba kali indala, si ha veye nelingira: va vuuleywi likuva yili kutwula mu kivala kya Kitim.

Isaya 23:12

Na ya vola, Ive si u la va nobu sangali kandi, O mukana mgima wa Sirlone wa dambidzwa: singira, wambuke kutsia Kitim; kali wene yeyo si u la nyola lisosa mba.

Jeremia 2:10

Kigira mwambuke mu tsie mu visulu vya Kitim, mu lole; mu tume avandu va tsie Kedari, mu ganagane ligali; mu lole kindu kuli yiki ni ki va ni ki veye ho tsinyinga tsyosi.

Ezekieli 27:6

Va lomba vivango vyobwato vivyo vyemisala gya Bashan; na vyokwikala vivyo va vi lomba na amino genzogu, ga twulanga mu ki sulu lya Kitim.

Danyeli 11:28

Hene yaho a lirana mu kivala kikye nevindu vinyingi; na mwoyo gwigwe gu la va nelihing'ana ku lilagana litakatifu; na a la kola aga a yanza, nokwirana mu kivala kikye mwene.

Danyeli 11:29

Ku inyinga i lageywi a lirana, nokutsia kusini; navutswa inyinga yenyima si ga la va kuli ga li inyinga ya matsyambiri.

Danyeli 7:25

Naye a la vola makuva manene gokuhing'ana na uyu U Veye Igulu Ku Vyosi, kandi a la luhidza ligali avatakatifu va U Veye Igulu Ku Vyosi, nn a la ganagana kugiru nkannya tsinyinga nelilaga; na vi la vikwa mu mukono gwigwe kuduka inyinga na tsinyinga na kidonye kye nyinga.

Livalidza 24:24

Navutswa bwatu bu la twula ku luginga lwa Kitim Na bu la dambidza Asuria, na bu la dambidza Eberi; Naye kandi a la duka mu bwoneku.

Matayo 24:10

Hene yaho vanyingi va likigitala, kandi va la zamana avene, nokudunyirana.

Likunula 12:12

Kunangwa, O Ligulu, sangali, kandi mwinye ava menya mu. O bayaye bu veye ku lirova noku inyanza: kigira Ibilisi wiki ku mwinye, a veye nobutima bunene, kigira a manya a veye nenyinga inkekeke vutswa.