Danyeli 11:21 - KITABU KITAKATIFU

²¹ Na mu bugono bwibwe mundu muyingu a la singira mu, wa va la vuia kuha lidzominywa lyobwami: navutswa a la duka mu madiku gelilemerwa mwoyo, na a la gumira ubwami ku makuva gobugohi.

Danyeli 11:21 ပူးပေါင်းရင်းမြစ်များ

Zaburi 12:8

Avadamano va genda tsimbega tsyosi, Lwe kirage kiidzominywa mu avana va avandu.

Zaburi 15:4

Mu tsimoni tsitsye mundu mudamano a legannywa, Navutswa yidzominya yavo ava tia Yahova; Uyu yesuha ku lyekolera ubudamano mwene, na si a girunkannya mba;

Zaburi 55:21

Munwa gwigwe gwa li muterere kuvita maguta, Navutswa mwoyo gwigwe gwa li ubulwani: Makuva gege ga li madoto kuvita maguta, Navutswa ga li vivavi visomole.

Isaya 32:5

Na musiru si a la langwa kandi mulahi, kandi mwimani si a la langwa kandi muhaani.

Danyeli 11:20

Kunangwa wundi a la singira ha bugono bwibwe u li vitidza mutwulidzi ubushutu a vite hagati hobukumi bwobwami; navutswa mu madiku makekeke uyu a la dividzwa, si ha li mu butima kinga mu bulwani.

Danyeli 11:32

Na yava ava kola ubwebaali ku lilagana a la va girunkannya namakuva gobugohi; navutswa avandu ava manya Nyasaye wavo va la va netsingulu, nokukola vyokugenya.

Danyeli 11:34

Na inyinga ya va li gwa va la konywa nobukonyi bukekeke; navutswa avanyingi va lehambannya kuvo namakuva gobugohi.

Danyeli 11:7

Navutswa mu lisibu lyekitinya kyomukana, mulala a la singira mu bugono bwibwe, u li tsia mu lihe na a lingira mu lugaga lwomwami wa kasikasini, na a la hing'ana navo nokuguuta.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 7:8

Nda ganagana tsinziga, na henza, ulwiga lundi lwa mera hagati hatsyo, lwiga lukekeke, imbiri walwo tsinziga tsyivaga ku tsyokutanga tsya kuulwa: na henza, lwiga yilu lwa li netsimoni kuli tsimoni tsyomundu, nomunwa gu volanga vindu vinene.

Danyeli 8:23

Na mu inyinga yekiheri kyobwami bwavo, lwa avahyoli va mali kudukidzwa, mwami weligondo lilulu, kandi u hu liranga amakuva madinyu, a la singira.

Danyeli 8:25

Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Danyeli 8:9

Na ku lwiga lulala kutsyo, lwiga lukekeke lwa mera, ku lwa viruka kuduka kuva lunene ligali, kuhenza ku luvega lwa kusini, kandi lwa ivugwe, kandi ku luvega lwekivala kyobukumi.

Nahum 1:14

Na Yahova u lagi ku ive, ha ta simikwa kandi kali mulala welieta lilyo: nda twulidza kifwananyi kyokuvadzwa nekifwananyi kyokwelongwa vi twule mu inyumba yavanyasaye vovo; nda ku yavira kilindwa kikyo, kigira ive u legangwa ligali.

1 Samweli 3:13

Kigira mmu voleye nda kalagira inyumba yeye mihiga nemihiga, kigira ubudamano bwa ya manya, kigira avana veve va letera lilaamwa kuvo, naye si ya vigalira.