Danyeli 11:16 - KITABU KITAKATIFU

¹⁶ Navutswa uyu udzanga kulwana naye a la kola kuli mwene a yanza, kandi si ha la va nokusingira imbiri wewe; naye a la singira mu kivala kyobukumi, nomu mukono gwigwe gu la va nelidividza.

Danyeli 11:16 ပူးပေါင်းရင်းမြစ်များ

Isaya 8:8

na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.

Jeremia 3:19

Navutswa nda vola, Nyala ndi kuvika ive halala na avana, nokuha ive kivala ki yanzidzanga miyandu milahi gyamahe ge tsihiri? Na nda vola, Mu la nanga Dada Wange, na si mu la girunkana kuleka kulonda inze.

Danyeli 11:3

Na mwami wetsingulu a la singira, u lyameha ku bwami bunene, na a la kola kuli ubulaliri bwibwe.

Danyeli 11:36

Na mwami a la kola kuli a yanza; kandi a leyidzominya, nokwekola munene ku vanyasaye vosi, na a la vola ku Nyasaye wa vanyasaye amakuva gokugennya; na a la menya buiahi kuduka lwa ubutima bu heridzwa; kigira yaga aga saavirwa ga la kolwa.

Danyeli 11:41

Kandi a lingira mu kivala kyobukumi, na vivala vinyingi vi la hinulwa; navutswa yivi vi ia honywa kutwula mu mukono gwigwe: Edom, Moabu, na vanene vavana va Amon.

Danyeli 11:45

Kandi a la singeridza mahema genyumba yeye yobwami hagati henyanza nekigulu kitakatifu; navutswa a la duka ku kiheri kikye, na si ha li na u li mu konya.

Danyeli 5:19

na kigira ubunene bwa ya mu ha, avandu vetsihiri tsyosi, na vetsimpya tsyosi, navetsinimi tsyosi, va degera nokutia imbiri wewe: wa ya yanza kwiita, yiita, na wa ya yanza kuva mwoyo, ya mu leka mwoyo; na wa yenya kunenehidza, ya nenehidza, na wa yenya kugehidza, ya mu gehidza.

Danyeli 8:4

Nda lola ligondi likole zana lyesunda ha luvega lwemadioli, kandi ha luvega lwa kasikasini na ha luvega lwa kusini; na si ha li netsinyama tsya nyala kusingira imbiri walyo, kandi si ha li na tsi nyala kusola kindu mu mukono gwalyo; navutswa lya kola kuli lya yanza, nokwenenehidza.

Danyeli 8:7

Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.

Danyeli 8:9

Na ku lwiga lulala kutsyo, lwiga lukekeke lwa mera, ku lwa viruka kuduka kuva lunene ligali, kuhenza ku luvega lwa kusini, kandi lwa ivugwe, kandi ku luvega lwekivala kyobukumi.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.