Danyeli 11:15 - KITABU KITAKATIFU

¹⁵ Ma mwami wa kasikasini a ladza, nokulomba kitumi nokugumira lidala lya lemerwa mwoyo: na amahe ga kusini ga la vula kusingira, kinga avatovole veve, kandi si ha la va netsingulu kusingira.

Danyeli 11:15 ပူးပေါင်းရင်းမြစ်များ

Jeremia 33:4

Kigira Yahova, Nyasaye wa Israeli, a vola, ku makuva getsinyumba tsyelidala yili, noku makuva getsinyumba tsyavami va Yuda, itsya sambulwa kuduka kulolomba lugaga lwevitumi nekivavi;

Jeremia 5:10

Mu nine ku madigi gege, mu dividze; navutswa mu ta dividza ligali: mu twulidze tsisya tsyalyo; kigira si tsi veye tsya Yahova.

Jeremia 52:4

Na ga duka mu muhiga gwa gyitano na gyine gwelyameha lilye mu mweli gwelikumi, ku lidiku lyelikumi lyomweli, Nebukadirezaru mwami wa Babuloni yadza uyu nelihe lilye lyosi, ku Yerusalemi, na ya singeridza amahema gege kulyo; navo vombaka tsimpinga ku li kumbiridza.

Jeremia 6:6

Kigira Yahova va mahe a vola, Tema misala, mu lombe kitumi kuhing'ana ku Yerusalemi: yili ni lidala lyokulutwa; li veye nelidambidza lyere mulyo.

Ezekieli 17:17

Kandi Farao nelihe lilye lyetsingulu nelihe lilye linene si a la mu konya kindu mu bulwani, lwa va lomba vitumi nokwombaka tsimpinga, kwononnya avandu vanyingi.

Ezekieli 4:2

na u li kumbiridze, nokwombaka tsimpinga kulyo, nokulomba kitumi kinene imbiri walyo; u singeridze mahema imbiri walyo, u vike viduyiru vyokusambula kulikumbiridza tsimbega tsyosi.

Danyeli 11:14

Kandi mu tsinyinga yetsyo, avanyingi va la singira kuhing'ana nomwami wa kusini: kandi avana va valulu ku vandu vovo va ligingira avene kusingeridza lilola; navutswa va la gwa hasi.

Danyeli 11:6

Na ku kiheri kyemihiga va lehambannya halala; na mwana mukana womwami wa kusini a la tsia ku mwami wa kasikasini kulagana naye: navutswa tsingulu tsyomkono gwigwe tsi la gota; kandi muami si a la singira kinga mkono gwigwe; navutswa mukana uyu a la twulidzwa, navo ava mu leta, na uyu wa mwivula, naye wa mu vika tsingulu mu tsinyinga yitsyo.

Danyeli 8:7

Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.