Danyeli 11:11 - KITABU KITAKATIFU

¹¹ Kandi mwami wa kusini a la vihirirwa ligali, nokutsia kulwana naye, kali na uyu mwami wa kasika sini; naye a la tuma kiduma kinene, na kiduma kinene zana ki la vikwa mmakono gege.

Danyeli 11:11 ပူးပေါင်းရင်းမြစ်များ

1 Avami 20:13

Henza, mprofeti mulala yesunda ku Ahabu mwami wa Israeli, na a mu volera, Yahova a vola ndi, U loli kiduma kinene yiki kyosi? Henza nda ki vika mmukono gugwo lero ndi, na ive u la manya inze mbeye Yahova.

1 Avami 20:28

Na mundu wa Nyasaye yesunda himbi na a volera mwami wa Israeli, na a mu volera, Yahova a vola ndi, Kigira Avasiria va voye, Yahova a veye munyasaye wevigulu, navutswa uyu si a veye munyasaye wamavona mba; kigira yaga nda ku vikira kiduma yiki kyosi kinene mmukono gugwo, na mwinye mu la manya mbeye Yahova.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Jeremia 27:6

Na kalunu vivala yivi vyosi mmali kuvivika mmukono gwa Nebukadinezaru mwami wa Babuloni, mutumekiri wange; netsinyama tsyomwigendenyama, mmali kuha uyu tsi mu tumekire.

Danyeli 11:12

Na kiduma ki la va nomwoyo gwokwigingira, naye a la va nomwoyo gwelidzominywana a la tsoma hasi avandu tsielfu amakumi gamakumi, navutswa si a la guuta mba.

Danyeli 11:40

Kandi inyinga yekiheri mwami wa kusini a la hing'ana naye; na mwami wa kasikasini a la mu twulira kuli kihuudzudzi halala namagari gobulwani, navasikari vokunina ku tsiparasi, nobwato bunyingi; naye a lingira mu vivala yevyo, nokusalama, nokuvita hagati.

Danyeli 11:44

Navutswa amakuva ga twula ivugwe na kasikasini ga la mu hendidza; na a la twula nobutima ubunene kudividza, nokweya vanyingi va dive ligali.

Danyeli 11:5

Na mwami wa kusini a la va netsingulu, na mulala ku vanene veve; na a la va netsingulu kuvita uyu, na a la va nobwami; na ubwami bwibwe bu la va ubwami bunene.

Danyeli 2:38

kandi hosi ha avana va vandu va menyanga, na tsinyama tsyomwigendanyama, na manyonyi gombwerefu, u viki mmkono gugwo, kandi u kwamehidzi ku vyosi: ive u veye mutwe gwethahabu.

Danyeli 8:7

Na nda gi lola i duka himbi neligondi likole, kandi ya vihirirwa ligali, ya duya ligondi likole, nokuvunannya tsinziga tsyalyo tsiviri; na si ha li netsingulu mu ligondi likole kusingira imbiri wayo mba; navutswa ya li tula hasi ku lirova, nokuliduvaga; na si ha li netsya nyala kusola ligondi likole mu mukono gwayo mba.