Danyeli 10:19 - KITABU KITAKATIFU

¹⁹ Na ya vola, O mundu u yanzeywi ligali, u ta tia mba: mirembe gyi ve ku ive, u ve netsingulu, yee, u ve netsingulu. Na lwa ya mbolera, nda nyola tsingulu, ni mbola, Mwami wange a vole; kigira u mpeye tsingulu.

Danyeli 10:19 ပူးပေါင်းရင်းမြစ်များ

Zaburi 138:3

Ku lidiku lya nda kwanira, ive wa ntivulira, Wa nduviridza netsingulu mu mwoyo gwange.

Isaya 35:4

Mu volere ava veye nomwoyo gwobutii, Mu ve avagulu, mu ta tia mba: henza, Nyasaye wenyu a ladza nekisalya, halala ne litunga lya Nyasaye; a ladza kumuhonya.

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Danyeli 10:18

Hene yaho mulala wa li nelifwana kuli lifwana lwomundu ya ndira, ni ya mpa tsingulu.

Danyeli 9:23

Inyinga yokutanga lisaala lilyo, munwa gwa haanwa, na inze nzidzi kukuvolera kigira ive u yanzeywi ligali: kigira yaga u ganagane inkuva, nokuhulira malola.

Haggai 2:4

Navutswa kalunu u ve mugulu, O Zerubabeli, Yahova a vola; kandi i ve ive mugulu, O Joshua, mwana wa Jehozadaku, musalisi munene; na mwinye avandu avekivala mwosi mu ve avagulu, Yahova a vola, mu kole miyinzi: kigira inze mbeye halala nemwinye, Yahova wa mahe a vola,

Zekaria 8:13

Kandi ga la va kuli mwa li neli laamwa mu tsihiri, O inyumba ya Yuda nenyumba ya Israeli, ni ndiyo ndi mu honnya, na mu la va ubugasu. Mu ta tia mba, navutswa makono genyu ga ve netsingulu.

Zekaria 8:9

Yahova wa mahe a vola: Amakono genyu ga ve netsingulu, mwinye ava huliranga mu madiku yaga makuva ga twulanga mu minwa gya avaprofeti ava li ho ku lidiku lyelitemwa muse gweinyumba ya Yahova wa mahe, nalyo ni litempeli li duke kwombakwa.

Yohana 11:3

Kunangwa avabotso veve va tuma mutumwa ni va vola, Mwami, uyu wa u yanza a lwala.

Yohana 11:36

Kigira yiki Avayuda va vola, Henza kuli a mu yanza

Yohana 11:5

Yesu ya yanza Marita namwavo wewe na Lazaro.

Yohana 14:27

Mirembe mmu lekera; mirembe gyange mmu hedza: si mmu ha kuli avomkivala va haana. Mu ta henda myoyo gyenyu, kandi gvi ta va nobu tii.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Yohana 19:26

Ku, Yesu lwa ya lola mama wewe, nomwegidzwi wa ya yanza va singira himbi, ya volera mama wewe, Mkali, ive u henze mwana wowo

Yohana 21:20

Petro yekevuka na a lola mwegidzwi wa Yesu ya yanza, a va londa; naye yesedema ha kiritu kya Yesu inyinga yelilia, na a teva, Mwami, ibwaha u ku zama?

1 Vakorintho 16:13

Mu linde, mu dinye mu lisuuvira mu ve avasatsa, mu ve avetsinguiu.

2 Vakorintho 12:9

Naye ya mbolera, Tsimba basi tsyange tsi ku duki: kigira tsingulu tsyange tsi dukidzeywi mu budedekere. Kunangwa ndiidzominya mu budedekere bwange nobuyanzi ligali, tsingulu tsya Kristo tsi menye ku inze.

Vafeso 6:10

Agekiheri, avamitu vange, mu ve avanyala mu Mwami, kandi mu bunene bwetsingulu tsitsye.

2 Timoteo 2:1

Kunangwa ive, mwana wange, u nyole tsingulu mu tsimbabasi tsi veye mu Kristo Yesu.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Likunula 1:17

Inyinga nda mu lola, nda gwa ha virenge vivye kuli u kudzi. Naye ya vika mukono gwigwe mulungi ku inze, na a vola, U ta tia mba; Mbeye wokutanga nowekiheri,

Vakalagi 6:23

Na Yahova ya mu volera, Mirembe gyi veye ku ive; u ta tia mba: si u la kudza mba.