Danyeli 10:16 - KITABU KITAKATIFU

¹⁶ Na henza mulala wa fwana avana va avandu ya dira minwa gyange: ma nda kunula munwa gwange, nokuvolera uyu wa singira imbiri wange, O mwami wange, kigira lilola, liverera lyange lirani ku inze, na si mbeye netsingulu kandi mba.

Danyeli 10:16 ပူးပေါင်းရင်းမြစ်များ

Kutwula 4:10

Na Musa ya volera Yahova, Mwami, inze si mbeye mundu wa makuva, kutwula kale, kinga kuduka kalunu lwa u volerana na mutumekiri wowo; kigira mbeye welivola lya galaha, na lulimi lwange lu veye lwekivoyo.

Kutwula 4:13

Naye ya vola, O Mwami, mwadza, u tume ku mukono gwa uyu wa u tovola.

Kohelethu 1:18

Kigira mu ubugeeri bunyingi livererera li veye mu linyingi: kandi uyu u meda limanya a medanga ubusaliri.

Isaya 6:7

na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi.

Jeremia 1:9

Hene yaho nonoho Yahova ya nyira mukono gwigwe nokudira munwa gwange; Yahova ya mbolera, Henza, mbikanga makuva gange mrnunwa gugwo:

Ezekieli 1:26

Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

Ezekieli 3:27

Navutswa lwa mbolerana nive, nda kunula munwa gugwo, na u la va volera, Mwami Nyasaye a vola ndi: Uyu u huliranga, a hulire, na uyu u sulanga a sule: kigira va veye inyumba yebaala.

Ezekieli 33:22

Ma mukono gwa Yahova gwa li ku inze mgolova, inyinga uyu wiruka na a kikiri kuduka; naye ya li kuku nula nomunwa gwange, ku liduka lilye mugamba; na munwa gwange gwa kunulwa, na si nda li idimbiti kandi mba.

Danyeli 12:8

Na nda hulira, navutswa si nda manya: kunangwa inze nda vola, Mwami wange, kiheri kyevindu yivi ki la va ndi?

Danyeli 4:19

Hene yaho Danyeli wa lieta lilye lya li Beliteshazaru, ya genya inyinga inkekeke, na tsiganagani tsitsye tsya mu hulula inkolo. Mwami ya tivula na a vola, Beliteshazaru, u ta leka liloto, kinga livuula lyalyo li ku hulule inkolo. Beliteshazaru ya tivula, na a vola, Mwami wange, liloto li ve ku yavo ava ku dunyira, na livuula lyalyo li ve ku vasigu vovo.

Danyeli 7:15

Ku makuva gange, inze Danyeli, mwoyo gwange gwa verera mu mubiri gwange, kandi malola gomutwe gwange gwa mbendidza mwoyo.

Danyeli 7:28

Yiki ki veye kiheri kya makuva. Ku makuva gange inze, Danyeli, tsiganagani tsyange tsya mbendidza mwoyo, na ligondo lyange lya galula mu inze: navutswa nda linda makuva mu mwoyo gwange.

Danyeli 8:15

Na ga duka ku inze, kali inze Danyeli, lwa nda li ni ndoli malola, ndenya kugamanya, na henza, ya singira imbiri wange kuli liloleka lyomundu.

Danyeli 8:17

Kunangwa yesunda himbi ha nda singira; na lwa ya duka himbi, nda li nobutii, na nda gwa hasi mammama: navutswa ya mbolera, U hulire, O ive mwana womundu; kigira malola yaga ga veye genyinga yekiheri.

Danyeli 8:18

Lwa ya volerana ninze, nda gwa mu tsindolo tsinene, na tsimoni tsyange tsya li tsi henzi hasi; navutswa ya ndira, na a nsingeridza bulungi.

Danyeli 8:27

Na inze, Danyeli, ihuvuki ya mbuha, na nda lwala madiku ga duki; ma nda singira nokukola miyinzi gyomwami: na nda genyera malola yaga, navutswa si ha li nowa ga manya.

Danyeli 9:21

yee, inyinga nda li ni mbola mu lisaala, mundu Gabirieli wa nda lola mu malola matsyambiri, a bulukidzwe bwangu, ya ndira himbi inyinga yokuvuyidza ubwali bwa mgolova.

Luka 1:64

Hene yaho munwa gwigwe gwigulika, nolulimi lwilwe lwa boholoka, na a vola, ni yidzominya Nyasaye.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Yohana 20:28

Tomasi ya mu tivula, na a mu volera, Mwami wange, kandi Nyasaye wange.

Joshua 5:14

Ya vola, Auwa; navutswa nduki kalunu kuva munene welihe lya Yahova. Ma Joshua ya gwa hasi mammama, na ya mu sigamira, na a mu teva, Mwami wange a volera ki inze mutumekiri wewe?

Likunula 1:13

na hagati hevinara vyetsitaya, nda lola mulala u fwana mwana wa Adamu, yiviki ingubo ya duka ku induvatiru, nokweboha ulukova lwethahabu mu kiritu.

Vakalagi 13:8

Hene yaho Manoa ya saala Yahova, na a vola, O, Mwami Nyasaye, nku goonya, ngano mundu wa Nyasaye uyu wa wa tuma, u duke ku kwinye kandi, nokukwegidza aga ku dukiranga ku kolere umwana u livulwa.

Vakalagi 6:13

Na Gideoni ya mu volera, Ive, mwami wange, Yahova na a va na a veye halala nekwinye, kigira ki inkuva yiyi i ku gwira? Hemiyinzi gyigye gyosi gyokugenya gyi veye haliha, gya vadada vetu va kwilwadzira, ni va vola, Yahova si ya ku leta kwanegire kutwula Egepeti? Navutswa kalunu Yahova u mali kukuta, na u ku viki mmakono ga Vamidiani.

Vakalagi 6:15

Naye ya mu volera, O, Mwami, inze nda honnya Israeli nekindu ki? Henza, aviko vange va veye avadaka ligali mu Manase, na inze mbeye mukekeke mu inyumba ya dada wange.