Danyeli 1:7 - KITABU KITAKATIFU

⁷ Na munene we vitsiri ya va gulika ameta: ya langa Danyeli, Beliteshazaru; na Hanania, ya langa Shadaraka, na Mishaeli ya langa Meshaka; na Azaria ya langa Abed-nego.

Danyeli 1:7 ပူးပေါင်းရင်းမြစ်များ

Litanga 41:45

Na Farao ya gulika Yosefa lieta lilye, Zefenath-panea: kandi ya mu kwehidza mukana Asenathu, mwana wa Potifera musalisi wa On. Na Yosefa ya twuia, na a tsia ku kivala kyosi kya Egepeti.

2 Avami 23:34

Na Faraoneko yamehidza Eliakim mwa na wa Josia mbugono bwa Josia dada wewe, na ya girunkannya lieta lilye na a mu gulika Jehoiakim: navutswa ya twulidza Jehoahazu; na ya tsia Egepeti na a kudzira yo.

2 Avami 24:17

Mwami wa Babuloni yamehidza Matania, amwavo ise womwami, kuva mwami mbugono bwibwe, na ya girunkannya lieta lilye na a mu gulika Zedekia.

Danyeli 1:19

Na mwami ya volerana navo; na kuvo si va nyoleka ava leng'ana na Danyeli, na Hanania, na Mishaeli, na Azaria: kunangwa va singira imbiri womwami.

Danyeli 1:3

Na mwami ya volera Ashipenazu wa li munyampara wevitsiri vivye, a lete avana vayai avalala ku avana va Israeli, ku avenyumba yobwami noku avanene;

Danyeli 10:1

Mu muhiga gwegyivaka gwa Kiru mwami wa Persia, Danyeli welieta lilye lya langwa Beliteshazaru ya vuulirwa kindu; na kindu kya li kyeligali, kya li ubulwani bunene: naye ya hulira kindu zana, kandi ya manya lilola.

Danyeli 2:26

Mwami ya tivula na a volera Danyeli, welieta lindi lya li Beliteshazaru, Ive u nyala kumbuulira liloto lya nda lota, halala na livuula lyalyo?

Danyeli 2:49

Na Danyeli ya saava mwami, na ya vika Shadaraka, na Meshaka, na Abedinego, va ve ku makuva ga iprovinse ya Babuloni: navutswa Danyeli mwe ne ya li mu kiribwa kyomwami.

Danyeli 4:5

Nda lola liloto lya ntihidza; na tsiganagani tsya nda li natsyo ku kitali kyange, na malola agomutwe gwange ga nyangidza.

Danyeli 4:8

Navutswa inyima yadza imbiri wange, Danyeli u langwa Beliteshazaru, kuli lieta lya munyasaye wange, na wa roho gwa vanyasaye vatakatifu gu veye muye: na inze nda vola liloto lyange imbiri wewe, ni mbola,

Danyeli 5:12

kigira mwoyo mulahi nogwelimanya, nogwelihulira, nogwelivuula maloto, nogwelilungikidza makuva madinyu, nogwelikunga lihayahayidza, gwa nyoleka mu Danyeli zana, womwami ya gulika Beliteshazaru. Kunangwa Danyeli a langwe, na a la ku vuulira livuula yili.