Danyeli 1:4 - KITABU KITAKATIFU

⁴ avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Danyeli 1:4 ပူးပေါင်းရင်းမြစ်များ

Litanga 41:46

Kandi Yosefa ya li nemihiga makumi gavaka lwa ya singira imbiri wa Farao mwami wa Egepeti. Na Yosefa ya twula imbiri wa Farao, na a kia mu kivala kyosi kya Egepeti.

2 Samweli 14:25

Mu Israeli mwosi si ha li no mundu kali mulala welidzominywa ku bulahi bwibwe bweligondo kuli Abisalom; kutwula ku induvatiru yeye kuduka ku lwote lwomutwe gwigwe si ya li nobulema kali hakuzu.

Tsing'ano 22:29

U lola mundu wobugulu mu miyinzi gyigye? A la singira imbiri wavami; Si a la singira imbiri wa avandu ava ta manyekana.

Kohelethu 7:19

Ubugeeri bu veye tsingulu ku uyu u veye nobugeeri kuvita avamehanga likumi va veye mu lidala.

Isaya 36:11

Hene yaho Eliakim na Shebina na Joa va volera Rabishake, Mwadza, u volere kwinye avatugwa wowo mu lulimi lwa Kisiria; kigira kwinye ku ki manya: u ta volera kwinye mu lulimi lwe Kiyuda, mu amatu gavandu ava veye ku lugaga.

Jeremia 5:15

Henza, nda leta ku mwinye ihiri i twula ihale ligali, O inyumba ya Israeli, Yahova a vola: i veye ihiri yobunyali, i veye ihiri ya kale ligali, ihiri ya ive u ta manya lulimi lwayo, kandi si u manya aga va volanga.

Danyeli 2:10

Avakalidei va tivula imbiri womwami, na va vola Si ha li nomundu mu lirova u nyala kuvuula likuva lyomwami, kigira si ha li nomwami, kinga munene, kinga munyampara, wa teva likuva kuli yili ku mukumu, kinga ku musegetiri, kinga ku Mukalidei.

Danyeli 2:2

Hene yaho mwami ya haana munwa kulanga avakumu, na avasegetiri, na avagongoyi, na Vakalidei, va volere mwami amaloto gege. Kunangwa vadza ni va singira imbiri womwami.

Danyeli 3:8

Kunangwa inyinga zana, avalala ku Vakalidei visunda himbi, ni va yala avalala ku Vayuda.

Danyeli 4:7

Kunangwa avakumu, na vasegeteri, na Avakalidei, na avang'olera ku tsing'ereng'ani, vingira, na inze nda va volera liloto lyange, navutswa si va mbuulira livuula lyalyo.

Danyeli 5:11

Mundu a veye ho mu bwami bubwo, wa roho gwa va nyasaye vatakatifu gu veye muye; na mu madiku ga dada wowo, ubulavu, nelimanya, nobugeeri, bwa loleka muye, kuli ubugeeri bwa vanya saye; na mwami Nebukadinezaru dada wowo, mwami, mbola, dada wowo, ya mu kola a ve munene wa avakumu, vasegeteri, Avakalidei, na avang'oli;

Danyeli 5:7

Na mwami ya hanzuka va lete ava ng'olera ku tsi ng'ereng'ani, na Vakalidei, na avang'oli. No mwami ya moloma na a volera avageeri va Babuloni, Ku vosi u li soma mang'oda yaga, nokummannya livuula lyago, a la vikwa ingubo yekiforosadi, na a la vikwa munyoro gwethahabu migoti mwimwe, na a la va wa kavaka mu bwami yibu.

Danyeli 9:1

Mu muhiga gwokutanga gwa Dario mwana wa Ahasueru, wa li ku kisukululwi kya Avamedi, wamehidzwa ku bwami bwa Vakalidei

Zekaria 2:4

na ya mu volera, Nyagula, u volere musoleli uyu, u mu volere, Avandu va la menya mu Yerusalemi kuli mu tudala tu ta li na madigi getsingaga, kigira bunyingi bwa avandu nemitugu mulyo.

Vikolwa 7:20

Inyinga zana Musa yivulwa, na a va mulahi munononona a lerwa imyeli gyivaka mu inyumba ya ise:

Vikolwa 7:22

Ku, Musa yegidzwa ubugeeri bwosi bwa Vaegepeti; kandi ya li netsingulu ku makuva gege noku miyinzi gyigye.

Vafeso 5:27

a duke kwenyolira livugana lyobukumi, li ta li nembala kinga makunya, kinga kindi kindu kuli yivi; navutswa li ve litakatifu li ta li nekindu.

Vakalagi 8:18

Hene yaho ya volera Zeba na Zalimuna, Avandu yava ava mwiita ha Taboru, va veye avandu volugano ki? Navo va mu tivulira, Va li kuli ive, sa mulala a loleka kuli mwana womwami.