Danyeli 1:17 - KITABU KITAKATIFU

¹⁷ Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 1:17 ပူးပေါင်းရင်းမြစ်များ

1 Avami 3:12

henza, nkoli kuli livola lilyo: na mali kukuha mwoyo gwobugeeri nogwokumanyeridza; kuduka si ha veye nomundu wemira imbiri wowo wa li kuli ive, kinga inyima wowo si a la singira yo wundi kali mulala weliva kuli lilyo.

1 Avami 3:28

Na Israeli vosi va hulira makuva gelikalaga lyomwami ya kalaga; navo va mu tia: kigira va lola ubugeeri bwa Nyasaye bu veye halala naye, a duke kukola likalaga.

2 Kyetsinyinga 1:10

Kalunu u mbe ubugeeri neli manya, nduke kutwula nokwingira imbiri wavandu yava; kigira ni bwaha u nyala kukalagira avandu vovo yava, avanyingi?

2 Kyetsinyinga 1:12

ubugeeri nelimanya u hebeywi; kandi nda ku ha ubutugi, nobuhinda, nobukumi, vya wa vula kunyola li fwana lyavyo avami va li inyima wowo; kandi si va la nyola lifwana lyavyo ava veye imbiri wowo.

2 Kyetsinyinga 26:5

Ye vika mwene kwenya Nyasaye mma diku ga Zekaria, wa li nelimanya mu malolo ga Nyasaye: nomu madiku ga yevika mwene kwenya Yahova, Nya saye ya mu ha ligasidzwa.

Ayubu 32:8

Navutswa mwoyo gu veye mu mundu, Na miyika gya Wanyala Vyosi gyi va hedzanga limanya.

Tsing'ano 2:6

Kigira Yahova a haananga ubugeeri; Limanya na limanyeridza ri twulanga ku munwa gwigwe.

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Isaya 28:26

Kigira Nyasaye wewe a mu laga nga bulungi, nokumwegidza.

Ezekieli 28:3

henza, u veye nobugeeri kuvita Danyeli; si ha veye nelikuva lya viswa kali lilala ku ive;

Danyeli 1:18

Na inyima wamadiku agomwami ya laga va letwe yimu, munene wevitsiri ya va leta imbiri wa Nebukadinezaru.

Danyeli 1:20

Kandi mu makuva gosi gobugeeri na agelimanya, agomwami ya va teva ku, ya va lola kuva avalahi kuvita hali likumi, avakumu vosi na avasegetiri ava li mu bwami bwibwe bwosi.

Danyeli 1:4

avasoleli ava ta li nembala, navutswa aveligondo lilahi, avasidza mu bugeeri bwosi, kandi avelimanya, navahuliri velimanya, na avetsingulu kusingira mu inyumba yomwami; kandi ya mu volera a vegidze megidzo nolulimi lwa Vakalidei.

Danyeli 10:1

Mu muhiga gwegyivaka gwa Kiru mwami wa Persia, Danyeli welieta lilye lya langwa Beliteshazaru ya vuulirwa kindu; na kindu kya li kyeligali, kya li ubulwani bunene: naye ya hulira kindu zana, kandi ya manya lilola.

Danyeli 2:19

Ku nangwa likuva li viseywi zana lya vuulwa ku Danyeli mu malola gobu diku. Hene yaho Danyeli ya santidza Nyasaye womigulu.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 2:23

Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.

Danyeli 2:30

Na vutswa ku inze, agaviseywi si ga vuuleywi ku inze kigira ubugeeri bwa mbeye nabwo kuvita avandi ava veye mwoyo, navutswa li veye livuula ii dukidzwe ku mwami, kandi ive u duke kumanya tsiganagani tsyomwoyo gugwo.

Danyeli 4:6

Kigira yaga nda haana munwa kuleta avageeri vosi va Babuloni imbiri wange, va mbuulire livuula lyeliloto.

Danyeli 5:14

Mbuliye ku ive, roho gwa avanya saye gu veye mu ive, kandi ubulavu na lihulira, na ubugeeri bulahi bu nyoleka mu ive.

Danyeli 7:1

Mu muhiga gwokutanga gwe lyameha lya Belishazaru mwami wa Babuloni, Danyeli ya lota liloto na malola gomutwe gwigwe ku kitali kikye: ma va ng'oda liloto na a vola liduka lyevindu zana.

Danyeli 8:1

Mu muhiga gwegyivaka gwelyameha lyomwami Belishazaru malola ga loleka ku inze, inze Danyeli, inyima wa yaga aga loleka ku inze inyinga yokutanga.

Livalidza 12:6

Na ya va volera, Mu hulire kalunu makuva gange: na a va na a veye ho muprofeti hagati henyu, inze Yahova ndelolekidza kuye mu malola, na nda volerana naye mu maloto.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Vikolwa 6:10

Navutswa si va nyala kuguuta ubugeeri na Roho wa a vola naye.

Vikolwa 7:10

na a mu twulidza mu busaliri bwibwe bwosi na a mu ha ubulahi nobugeeri imbiri wa Farao, mwami we Egepeti; na Farao ya mu kola munyampara mu Egepeti nomu inyumba yeye yosi.

Vikolwa 7:22

Ku, Musa yegidzwa ubugeeri bwosi bwa Vaegepeti; kandi ya li netsingulu ku makuva gege noku miyinzi gyigye.

Vakolosai 1:9

Kigira yaga kwinye kandi, kutwula lidiku lya kwa hulira, si ku lekanga kusaala nokusaava kigira mwinye, mu duke kwizula limanya lyobulaliri bwibwe mu bugeeri bwosi nelimanya lya roho,

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.