Ayubu 8:3 - KITABU KITAKATIFU

³ Nyasaye a kyaminyanga likalaga? Kinga Wanyala Vyosi a kyaminyanga agobulungi?

Ayubu 8:3 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

2 Kyetsinyinga 19:7

Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

Ayubu 10:3

Bu veye bulahi ku ive kukupidza kivi, Nokulega miyinzi gyamakono gogo mwene, Nokung'ering'ana ku makuva gavadamano?

Ayubu 19:6

Kalunu mu manye Nyasaye u tung'aminye inze mu likuva lyange Na ya nkumbiridza nomutego gwigwe.

Ayubu 19:7

Henza, ndiranga kigira liginwa, navutswa si ha veye no u mbulira: Nkupanga lwanga nyole bukonyi, navutswa likalaga si li veye ho mba.

Ayubu 21:15

Uyu Wanyala Vyosi ni kindu ki, ku mu tumekire? Ku la nyola vyambeti ki ni kumusaala?

Ayubu 21:20

Tsimoni tsitsye mwene tsi lole ubwoneku bwibwe, Kandi a nwe ubutima bwa uyu Wanyala Vyosi.

Ayubu 34:5

Kigira Ayubu a voli, Inze mbeye mulungi, Na Nyasaye u nyad ubulungi bwange:

Ayubu 35:13

Nyasaye, ligali si a la hulira aga vutswa Kandi Wanyala Vyosi si a la ga henza mba.

Ayubu 36:23

Ni bwaha wa mu laga inzira yeye? Kinga ni bwaha u nyala kuvola, Ive u kolanga ga ta li bulungi?

Ayubu 36:3

Nda leta limanya lyange kutwula ihale, Na nda vole ku Mulombi wange a veye nobulungi.

Ayubu 37:23

Ku makuw ga Wanyala Vyosi, si ku nyala kumidera: A veye munene mu tsingulu; Nomu likalaga nobunyingi bwobulungi a la vula kudambidza.

Ayubu 4:17

Umundu welikudza a la va nobulungi kuvita Nyasaye? Umundu a la va musiyeku kuvita Mulombi wewe?

Ayubu 40:2

Uyu u kupa tsimbaka a la hing'ana no Wanyala Vyosi? Uyu u hangalidzana na Nyasaye, a tivule.

Ayubu 40:8

U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

Ayubu 9:2

Ligali inze manya ga veye ndiyo: Navutswa mundu a vedzanga ndi wobulungi imbiri wa Nyasaye?

Zaburi 89:14

Ubulungi na likalaga vi veye muse vwentebe yobwami bubwo: Tsimbabasi na ageligali vimiriranga imbiri wetsimoni tsitsyo.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Ezekieli 18:25

Navutswa mwinye mu vola, Inzira ya Yahova si i veye inungi mba. Hulira kalunu, O inyumba ya Israeli: Inzira yange si i veye inungi? Tsinzira tsyenyu si tsi veye tsinkyamu?

Ezekieli 33:17

Navutswa kandi avana vavandu vovo va vola, Inzira ya Yahova si i veye inungi mba: navutswa mu makuva gavo, inzira yavo si i veye inungi mba.

Ezekieli 33:20

Navutswa mu vola, Inzira ya Yahova si i veye inungi mba. O inyumba ya Israeli, nda mu kalagira sa mulala kuli tsinzira tsitsye.

Danyeli 9:14

Kigira yaga Yahova ya linda kivi, nokukileta ku kwinye; kigira Yahova Nyasaye wetu a veye wobulungi mu miyinzi gyigye gyosi gya a kolanga, na kwinye si ku huliye mwoyo gwigwe.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Kwidzulitsa 32:4

Niye Lwanda, miyinzi gyigye gyi veye midukanu; Kigira tsinzira tsitsye tsi veye tsinungi: A veye Nyasaye wobusuuvirifu bugira budamano, A veye wa geligali, a veye ubulungi.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.