Ayubu 8:13 - KITABU KITAKATIFU

¹³ Ni ndiyo tsinzira tsya yavo vosi aviviriranga Nyasaye; Nelisuuviridzwa lyomundu wa vula kutia Nyasaye li la diva:

Ayubu 8:13 ပူးပေါင်းရင်းမြစ်များ

Ayubu 11:20

Navutswa tsimoni tsyavadamano tsi la geha tsingulu, Na si va la va na hokwirukira; Lisuuvira lyavo li la va likudza lyomwoyo.

Ayubu 13:16

Yaga kandi ga la va ubuhonyi bwange, Kigira mundu u vula kutia Nyasaye, si a lisunda imbiri wewe mba.

Ayubu 15:34

Kigira kiduma kya ava ta tia Nyasaye ki la va kigumba, Na muliru gu la samba mahema gevikukula.

Ayubu 18:14

A lifwa mu lihema lilye lya ya suuviranga mu; Na a la letwa ku mwami welitihidza.

Ayubu 20:5

Ubusangali bwavadamano bu heranga bwangu, Ubuyanzi bwa va ta tia Nyasaye bu veye bwedagika indala vutswa?

Ayubu 36:13

Navutswa yavo ava vula kutia Nyasaye mu myoyo gyavo va vika akiba yo butima: Si vanira mukonyi lwa a va bohanga.

Ayubu 8:12

Inyinga lu kikiri luvisi, kinga ni lu kikiri kukalagwa, Lu nialanga imbiri weuindi vyosi Vi meranga.

Zaburi 1:4

Avoni si va li ndiyo mba Navutswa va fwanana nomukuudzi gwembuudzi i hila.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 112:10

Mudamano a la ga lola, na a la verera; A la lumannya amino, na a la saluluka: Lyegomba lyomudamano li la diva.

Zaburi 50:22

Kalunu mu ganagane yiki, mwinye aviviriranga Nyasaye Gase nda mu donyannya, na a vule wokuhonnya:

Zaburi 9:17

Avadamano va lirannywa mu Kihadisi, Kali tsihiri tsyosi tsivirira Nyasaye.

Tsing'ano 10:28

Lisuuvira lyavalungi li la va ubuyanzi; Navutswa lihenzerera lyomudamano li la diva.

Tsing'ano 11:7

Lwa mudamano a kudza, lihenzerera lilye li la hera; Na lisuuviridza lyobudamano li la diva.

Tsing'ano 12:7

Avadamano va tung'aminyangwa, na si va veye ho; Navutswa inyumba yomulungi i la singira.

Isaya 33:14

Avobwoni va veye mu Zioni va tiye; lidegera li va gumiye yavo ava vula kutia Nyasaye: Ni bwaha ku kwinye u nyala kumenya halala nomuliru gu sambanga? Ni bwaha ku kwinye u nyala kumenya halala nomuliru gu sambanga mihiga nemihiga?

Isaya 51:13

nokwivirira Ya hova Mulombi wowo, uyu waala ligulu, nokutema lirova muse; na u tidzanga kazozo mbasu bei kigira ubululu bwomudambidzi, lwa yete geka kwononnya? Ubululu bwomuda mbidzi bu veye haliha?

Lisyoma lya Jeremia 3:18

Na nda vola, Tsingulu tsyange tsi goti, na lyenya lyange ku twula ku Yahova.

Matayo 24:51

a la mu temlnya, na a mu ha kidieli kikye halala navagadi: ha la va nokulira nokudyedyeidza amino.

Kwidzulitsa 6:12

kunangwa welinde gase u livirira Yahova, wa ku twulidza mu kivala kya Egepeti, mu inyumba yobutugwa.

Kwidzulitsa 8:11

Welinde gase u livirira Yahova Nyasaye wowo, ku livula kugumira malago gege, nelikalaga lilye, ne miima gyigye gya nku laganga lero:

Kwidzulitsa 8:14

hene yaho mwoyo gugwo gu liginga, na u livirira Yahova Nyasaye wowo, wa ku twulidza mkivala kya Egepeti, mu inyumba yobutugwa;

Kwidzulitsa 8:19

Navutswa ga la va, nu wivirira Yahova Nyasaye wowo, nokulonda avanyasaye vandi, nokuvatumekira, nokuvasigamira, ndolekidza ku mwinye lero, mu la diva ligali.