Ayubu 7:21 - KITABU KITAKATIFU

²¹ Kandi kigira ki u vula kusameha mahyolo gange, nokutwulidza budamano bwange? Kigira kalunu nda gona hasi mu lugukyi? Na ive u la nyenya ligali, navutswa si nda va ho mba.

Ayubu 7:21 ပူးပေါင်းရင်းမြစ်များ

2 Samweli 24:10

Nomwoyo gwa Daudi gwa mu duya inyima wokuvalidza avandu. Daudi ya volera Yahova Inze nkoli ubwoni ligali kigira nkoli inkuva yiyi: navutswa kalunu O Yahova, nku goonya ligali, u twulidze budamano yibu ku mutumekiri wowo; kigira ligali nda kola gobusiru.

Ayubu 10:14

Ni nkola ubwoni, hene yaho u mbenzanga, Ive si u la sameha budamano bwange.

Ayubu 10:9

Yidzulitsa, mwadza, ive u nongi kuli budohi: Na u la mbika mu lugukyi kandi?

Ayubu 13:19

Ni bwaha uyu u hing'ana ninze? Kigira kalunu nda kiring'ana nokutwulidza mwoyo.

Ayubu 14:10

Navutswa mundu a kudzanga, na a vedzanga mudedekere: Vee, mundu a twulidzanga mwoyo, naye a veye haliha?

Ayubu 17:14

Ni mbolera lidividza, Ive u veye dada wange; Nokuvolera ing'ende, Ive u veye mama wange, nambotso wange;

Ayubu 20:8

A la buluka kuli liloto, na si a la loleka kandi mba: Yee, a la kungwa kuli malola gobudiku.

Ayubu 27:19

A gonanga hasi na a veye mutugi, navutswa si a la vungidzwa mba; A kunulanga tsimoni tsitsye, na si a veye ho mba;

Ayubu 3:13

Kigira nkano nda gona hasi nokwehodzeridza; Nkano nda gona tsindolo; nokunyola lisosa,

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Ayubu 7:8

Imoni ya uyu u ndolanga si i la ndola kandi mba; Tsimoni tsitsyo tsi la henza ku inze, navutswa si nda va ho mba.

Ayubu 8:1

Hene yaho Bilidadi Mushuhi, ya tivula, na a vola,

Ayubu 9:28

Ntidzanga liverera lyange lyosi, Mmanya ive si u la vola ku inze mbeye bugira lihyolo.

Zaburi 103:15

Na ku mundu, madiku gege ga veve kuli ubunyasi; Na kuli kimuli kyomulimi, ni ndiyo a gasidzwa.

Zaburi 37:36

Navutswa mulala ya vita, na henza, si a li ho: Yee, nda mwenya ligali, navutswa si ya nyoleka.

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Isaya 64:9

U ta vihirirwa ligali mba, O Ya hova, kandi u tidzulitsa ubwoni madiku gosi: henza, u lole, ku ku saala, kwinye kwosi ku veye avandu vovo.

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Hosea 14:2

Vugula ma kuva, u tsie nago, wirane ku Yahova: u mu volere, Twulidza budamano bwosi, u bugirire amalahi: ku la haana ndiyo vihaanwa vyeminwa gyetu kuli kuhaana tsigiriki.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

1 Yohana 3:5

Kandi mu manya ya lolekidzwa kutwulidza ubwoni bwetu; kandi ubwoni si bu veye muye.