Ayubu 7:18 - KITABU KITAKATIFU

¹⁸ Nokumuluta mugamba nomugamba, Nokumugeridza idagika nedagika?

Ayubu 7:18 ပူးပေါင်းရင်းမြစ်များ

Litanga 22:1

Inyima wevindu yivi, Nyasaye ya geridza Abrahamu, na a mu voiera, Abrahamu; naye ya bugira yo Mbeye hano.

Ayubu 14:3

Ive u kunula tsimoni tsitsyo kulola mulala u veye kuli ndiyo Nokuvika inze mu likalagirwa halala nive?

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Zaburi 73:14

Kigira nkuyangwa lidiku lyosi bei, Nokuhebwa mageli migamba gyosi.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 32:34

Kunangwa kalunu u tsie, kwimirira avandu va duke ha nda ku voleye: henza, ingelosi wange a limira imbiri wowo; navutswa mu lidiku lya ndi va kalagira, nda va kalagira kigira ubwoni bwavo.

Isaya 26:14

Yavo va kudzi, si va la va mwoyo; va kudzi, si va la vuka kandi: kigira yaga ive wa duka kuvo nokuvononnya nelidzulitswa lyavo lyosi u mali kulidividza.

Jeremia 9:7

Kigira yaga Yahova wa mahe a vola ndi, Henza, nda va salula, nokuvageridza; kigira ni mbula kukola yaga nkola ki, kigira mukana wavandu vange?

Danyeli 12:10

Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Zefania 3:5

Yahova hagati hehe a veye mulungi; si a la kola bwoni mba; mugamba na mugamba a lang'aminyanga likalaga lilye, si a geheranga mba; navutswa uyu mu kyamu si a manya tsisoni mba.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Kwidzulitsa 8:16

wa ku lageridza maana mu kyangalangwi, ya vaguga venyu va vula kumanya; a duke kukugehidza, a duke kukugeridza, a duke kukukolera bulahi mu kiheri kikyo:

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.