Ayubu 7:16 - KITABU KITAKATIFU

¹⁶ Mbihirirangwa livamwoyo lyange; si nyenya kuva mwoyo madiku gosi: U ndeke tsyeng'ine, kigira madiku gange ga veye mwika vutswa.

Ayubu 7:16 ပူးပေါင်းရင်းမြစ်များ

Litanga 27:46

Na Rebeka ya volera Isaka, Ubuhindiri bwange bu luhi kigira avakana va Hethu; ni i va Yakobo a vugula mukali ku vakana va Hethu, kuli avakana yava vekivala, ubuhindiri bwange bu la va nobulahi ki?

1 Avami 19:4

Navutswa mwene ya tsia lugendo lwelidiku lilala mmigendanyama, na yadza ni yikala isi womusala gwomurutemu: na yesaalira likudza, na a vola, Ga duki; kalunu, O Yahova, vugula mwoyo gwange; kigi ra inze si mbeye mulahi kuvita vagu ga vange mba.

Ayubu 10:1

Mwoyo gwange gu luhi ku livamwoyo lyange; Nda ha likenya lyange ubwiyangu; Nda vola ku litsunwa lya mbeye nalyo mu mwoyo gwange.

Ayubu 10:20

Madiku gange si ga veye makekeke? Ieka, Mu ndeke tsyeng'ine, nduke kuleminywa mwoyo hakekeke,

Ayubu 14:6

Henza ha luvega u ta mu henza mba, a duke kusosa, Kuduka lwa a dukidza lidiku lilye, kuli mutungwi.

Ayubu 6:9

Nalyo ni yili, Nyasaye na a va na a yanza kunshonolannya; A dendeyidze mukono gwigwe nokunkalaga kutwula

Ayubu 7:15

Kuduka mwoyo gwange gu tovoye kumigwa, Nokutovola likudza kuvita vigumba vyange.

Ayubu 7:7

Mwidzulitse livamwoyo lyange li veye kuli imbuudza: Imoni yange si i la lola ubulahi kandi mba.

Ayubu 9:21

Ni mba mudukiru, si nzimanya inze mwene; Ndeganga livamwoyo lyange.

Zaburi 144:4

Umundu u veye kuli mwika: Madiku gege ga veye kuli kiriri kivitanga.

Zaburi 39:10

U twulidze liduya lilyo ku inze: Mmali kuheridzwa nelikuya lyomukono gugwo.

Zaburi 39:13

U ndeke, nduke kunyola tsingulu, Ni nkikiri kutwula hano, nokuvula kuva ho.

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Zaburi 62:9

Ligali avandu ava hanzahanza va veye vyavutswa, na avandu avanene va veye ububehi: Mu tsiratili va la gingika; Vosi halala va veye avahuhu kuvita mwika.

Zaburi 78:33

Kunangwa ya heridza madiku gavo mu vyavutswa, Na mihiga gyavo mu ubutii.

Zaburi 78:39

Naye yidzulitsa va veye inyama vutswa, Na ua veye imbuudza i vitanga, i vula kwirana mba.

Kohelethu 2:17

Ma nda dunyira livamwoyo, kigira miyinzi gya kolwa isi weliuva gya saliridza inze; kigira yaga gosi na ga vutswa nokudidikana ku imbuudza.

Jeremia 8:3

Na yavo ava tigala ku bwiko budamano yibu va la tovola likudza imbiri welivamwoyo, hosi ha nda va hila, Yahova wa mahe a vola.

Jona 4:3

Kunangwa, O Yahova, nku goonyanga, u ntwulidzire livamwoyo lyange; kigira nobulahi inze nkudze kuvita kuva mwoyo.

Jona 4:8

Na ga duka, lwa liuva lya twula, Nyasaye ya lomba imbuudza yevugwe i sambanga; na liuva lya samba ku mutwe gwa Jona, naye ya kudza mwoyo, ni yeyenyera likudza, na a vola, Nobulahi ku inze kukudza kuvita kuva mwoyo.