Ayubu 7:1 - KITABU KITAKATIFU

¹ Mundu si a veye nenyinga yeye yokulwana ku lirova? Na madiku gege si ga veye kuli madiku gomundu a tungangwa?

Ayubu 7:1 ပူးပေါင်းရင်းမြစ်များ

Ayubu 10:17

Ive wirannyanga kandi lilolekidza lilyo ku inze, Na livihirirwa lilyo u li medanga ku inze: Ligirunkana nobulwani vi veye halala ninze.

Ayubu 14:1

Mundu, womukali yivula, A veye wamadiku ga gehi na yizuye kivi.

Ayubu 5:7

Navutswa mundu yivulangwa kupe kivi, Kuli tsisese tsyomuliru tsi du manga igulu.

Ayubu 7:2

Kuli mutumekiri u kayirangwa Iigali kiriri, Kuli u tungangwa u henzanga kunyola amadanyi gege:

Zaburi 39:4

Yahova, u nkole kumanya kiheri kyange, Na ligera lya madiku gange, kuli li veye; U nkonye kumanya ubudedekere bwange bu duka ndi.

Kohelethu 8:8

Si ha veye nomundu u veye nobunyali ku mwoyo kwigalira mwoyo; kandi si a veye nobunyali ku lidiku lyelikudza; kandi si a veye nelihebwa munwa mu bulwani: kandi ubudamano si bu la honnya uyu wa nala kubulonda.

Isaya 16:14

Navutswa kalunu Yahova u voye, a vola, Mu mihiga gyivaka, kuli gya li mihiga gya uyu wa lagwa, ubukumi bwa Moabu bu la vikwa mu lilegwa, halala nelivugana lilye linenenelitigala lilye li la va likekeke ligali na si li la va kindu.

Isaya 21:16

Kigira Yahova ya mbolera ndi, Mu inyinga yomuhiga mulala, kuli livalidza lyemihiga gya uyu u tungangwa, ubukumi bwosi bwa Kedari bu la gota;

Isaya 38:5

Tsia ku Hezekia, u mu volere, Yahova Nyasaye wa Daudi guga wowo, a ku volera, Inze mbuliye lisaala lilyo, ndoli amaliga gogo: henza, nda ku meda ku madiku gogo mihiga likumi nagyitano.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Kyavalevi 25:50

Na a la validza halala na uyu wa mu gula kutwula ku muhiga gwa yegulidza, kuduka ku muhiga gwa jubili: na ubuguli bwa ligulidzwa lilye bu la va kuli livalidza lyemihiga; a la va halala naye kuli mutumekiri u tungangwa.

Kwidzulitsa 15:18

Navutswa u ta Iola budinyu, inyinga u mboholola a twule ku ive; kigira a ku tumekiye mihiga gyitano na mulala: kuduka hali kaviri ku butungi bwa uyu u tungangwa: na Yahova Nyasaye wowo a la ku gasidza ku vyosi vya u kola.