Ayubu 5:19 - KITABU KITAKATIFU

¹⁹ A la honnya ive ku vivi vitano na kilala; Yee, kali mu vitano na viviri si ha veye nobudamano kali bulala bunyala kudira ive.

Ayubu 5:19 ပူးပေါင်းရင်းမြစ်များ

Zaburi 34:19

Avalungi va veye nevivi vinyingi; Navutswa Yahova a mu honnyanga ku vyosi.

Zaburi 34:20

A lindanga vigumba vivye vyosi: Si ki veye ho kilala kuvyo ki vuniki.

Zaburi 66:12

Wa gendidza ava nina ku tsiparasi, igulu ku mitwe gyetu; Kwa vita mu muliru na mu amadzi; Navutswa ive wa ku twulidza mu nokukuvika hobuhindahalu.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Tsing'ano 24:16

Kigira mulungi a gwidzanga hali katano na kaviri, na a vuka kandi; Navutswa lidiva li tung'aminya avadamano.

Tsing'ano 6:16

Vi veye ho vindu vitano na kilala vya Yahova a dunyiranga; Yee, vitano na viviri vi veye vyokuvihiriridza kuye:

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Jeremia 39:17

Navutswa nda honnya ive ku lidiku yilyo, Yahova a vola; na ive u la vula kuvikwa mu makono gavandu va u tidzanga.

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 3:25

Ya tivula na a vola, Henza, ndola avandu vane avaboholole, va vodonkana hagati ho muliru, muliru si gu va diye mba; na ligondo lya uyu wa kane li fwanana nelyomwana wa vanyasaye.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:17

Kandi li gina lya letwa, ni li vikwa ku munwa gwoluhangaywa; na mwami ya kupa ku muhuri gwigwe ne gya avanene veve, ku gosi ga Danyeli kali lilala li vule kugirunkanywa.

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

2 Vakorintho 1:8

Kigira si kwenyi mwinye, avamitu mu vule kumanya amakuva gobusaiiri bwa ku gwira rnu Asia, kuli kwa minika kuvita ligera, kuvita tsingulu tsyetu, kwa luha kwa twulidza mwoyo ku livamwoyo lyetu.

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;