Ayubu 5:13 - KITABU KITAKATIFU

¹³ Uyu a gumiranga avageeri mu bugeeri bwavo; Na livola lyavakyamu li divanga bwangu.

Ayubu 5:13 ပူးပေါင်းရင်းမြစ်များ

2 Samweli 15:31

Nomundu mulala ya volera Daudi, na a vola, Ahithofeli a veye mu lihambana lyetsimbemba halala na Abisalom. Na Daudi ya vola, O Yahova, nku goonya, livola lya Ahithofeli, u li girunkannye li gwe ubusiru.

2 Samweli 15:34

navutswa nu u va nu wirana mu lidala, nokuvolera Abisalom, Inze nda va mutumekiri wowo, O mwami; kuli nda li mutumekiri wa dada wowo ku madiku ga vita, ni ndiyo kandi nda va mutumekiri wowo kalunu; hene yaho u la nguutira livola Iva Ahithofeli.

2 Samweli 17:23

Na Ahithofeli lwa ya lola livola lilye li vuli kulondwa, ya boha isukiri yeye, na a singira, na a tsia mu inyumba yeye, mu lidala lilye, na ya lomba makuva genyumba yeye, ni yesunga; na a kudza, na ya tebwa mu kilindwa kya dada wewe.

Esther 7:10

Kunangwa va sunga Haman ku musala gwa ya lombera Mordekai. Ma ubutima bwo mwami bwa vomboloka.

Esther 9:25

na vutswa lwa inkuva yiyi ya duka imbiri womwami ya haana munwa mu tsibaruwa tsiganagani tsindamano, tsya ya ganagana ku Vayuda, tsi galuke ku mutwe gwigwe, na uyu navana veve va sungwa ku kisunga.

Ayubu 15:5

Kigira ubudamano bubwo bwegidzanga munwa gugwo, Na u tovolanga lulimi lwomugadi.

Ayubu 37:24

Kigira yaga avandu va mu tidzanga: Si a henzanga avobugeeri mu myoyo.

Zaburi 18:26

Ku womwoyo mulavu u lelolekidza kuva womwoyo mulavu; Kandi ku mukyamu u lelolekidza kuva muhing'ani.

Zaburi 9:17

Avadamano va lirannywa mu Kihadisi, Kali tsihiri tsyosi tsivirira Nyasaye.

Tsing'ano 3:32

Kigira mukyamu a veye livirihidza ku Yahova; Navutswa aga viswa gege ga veye halala na avalungi.

Isaya 19:3

Na roho gwa Egepeti gu la kudza hagati hakyo; na ndononnya makuva gakyo: va la tsia ku vifwananyi, noku vasegetiri noku vang'oli, noku va kumu.

Isaya 44:25

U heridzanga vilolekidzu vya yavo avobehi, nokukola avasegetiri kugwa avalalu; wirannyanga avageeri inyi ma, nokukola bugeeri bwavo kuva lubusiru;

Jeremia 18:18

Hene yaho va vola, Genda, ku tsie kusaavira lisaava ku Jeremia; kigira lilaga yili si li la vula kuva ku musalisi; kandi amakuva si ga la vula kuva ku vageeri, kinga livola ku mprofeti. Hamba, ku mu kuye netsinimi tsyetu, ku vule kuvika amakuva gege kali lilala mu myoyo.

Jeremia 49:7

Ku Edom. Yahova wa mahe a vola: Si ha veye kandi nobugeeri mu Teman? Iivola li daki mu yavo avetsiganagani? Ubugeeri bwavo bwa goti?

Jeremia 8:8

Mu volanga ndi, Kwinye ku veye nobugeeri, kandi lilaga lya Yahova ku veye nalyo? Navutswa, henza, ikalamu yobugadi ya vang'odi i kolanga ubugadi.

Jeremia 8:9

Avandu vobugeeri va nyoye tsisoni, va timuki inkolo nokugumirwa: henza, va suye likuva lya Yahova; na va veye nobugeeri ki muvo?

Jeremia 9:22

Vola, Yahova a vola ndi, Mibiri mikudzu gyavandu gyi la vunguluka kuli amandu mu malimiru, kandi kuli kikamata kya ng'alika inyima womugesi; si ha la va nomundu wokukivungidza halala.

Livalidza 22:25

Na isukiri ya lola ingelosi wa Yahova, na yeduya ku lwebo, na ya minira kirenge kya Balaam ku lwebo: naye ya gi kuya kandi.

Luka 1:51

U lolekidzi tsingulu nomukono gwigwe U salanyi avigingiri mu tsiganigani tsyemyoyo gyavo.

1 Vakorintho 3:19

Kigira ubugeeri bwelirova yili bu veye ubusiru ku Nyasaye. Kigira ga ng'odwa, Uyu a gimira avageeri mu bugeeri bwavo,