Ayubu 42:8 - KITABU KITAKATIFU

⁸ Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Ayubu 42:8 ပူးပေါင်းရင်းမြစ်များ

Litanga 20:17

Na Abrahamu ya saala Nyasaye; na Nyasaye ya honya Abimeleku, nomukali wewe, navakana vatugwa veve; navo vivula avana.

Litanga 20:7

Kunangwa wiranyire mundu mukali wewe; kigira a veye muprofeti, naye a la ku saalira, na ive u la hindira: kandi nu u va nu u vula kumwiranya, u manye ligali u la kudza, ive, na vovo vosi.

1 Kyetsinyinga 15:26

Na ga duka, lwa Nyasaye ya konya Valevi ava ginga lisanduku lyelilagana lya Yahova, hene yaho viita tsing'ombe tsitano na tsiviri, namagondi makole gatano na gaviri kuva kihaanwa.

2 Kyetsinyinga 29:21

Na va leta tsigiriki tsitano na tsiviri, na magondi makole gatano na gaviri, navana vamagondi vatano na vaviri, netsikole tsitano na tsiviri, vi ve kihaanwa kyobwoni kyobwami, kandi kya hatakatifu, na kya Yuda. Na ya laga vasalisi avana va Haruni va vi haane kuva kihaanwa ku bwali bwa Yahova.

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Ayubu 1:8

Na Yahova ya teva Setani, Wa li ku lola mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavukana nobudamano.

Ayubu 22:30

A la honya uyu u veye munifu: Yee, u la honnywa kigira ubunifu bwamakono gogo.

Ayubu 35:8

Ubudamano bubwo namusia bu saleridzanga mundu kuli ive Nobulungi bubwo namusia bu konyanga mwana womundu.

Ayubu 42:9

Ma Elifazu Muteman, na Bildadi Mushuhi na Zofaru Munaamathi va tsia, na va kola kuli Yahova ya va laga: na Yahova ya bugirira Ayubu.

Zaburi 103:10

Si a ku koleye kuli ubwoni bwetu, Kinga kukuha madanyi kuli ubudamano bwetu.

Kutwula 18:12

Na Jethro, navizala wa Musa, ya vugulira Nyasaye kihaanwa kyokusambwa netsisadaka: na Haruni ya tsia, na vakulundu vosi va Israeli, kulagira ubu kima halala na navizala wa Musa, imbiri wa Nyasaye.

Isaya 60:14

Navana vayai va yavo ava dambi dza ive va ladza kukwinamira; na yavo vosi ava ku lega va leyinaminya avene ha tsinduvatiru tsitsyo; na va la ku langa, Lidala lya Yahova, Zioni lyo Mutakatifu wa Israeli.

Jeremia 14:11

Kandi Yahova ya mbolera, U ta saalira avandu yava ubulahi bwavo mba.

Jeremia 15:1

Hene yaho Yahova ya mbolera; Kali Musa na Samweli ni va singira imbiri wange, mwoyo gwange si gwa ka va gu yeke ku avandu yava mba: u va te va twule imbiri wetsimoni tsyange, va tsie.

Ezekieli 14:14

kali avandu yava vavaka, Nuhu, na Danyeli na Ayubu ni va veye mukyo, nkano va ka honnya myoyo gyavo avene gyeng'ine mu ubulungi bwavo, Mwami Nyasaye a vola.

Ezekieli 45:23

Kandi mu madiku gatano na gaviri aga lisavo a la lomba kihannwa kyokusambwa ku Yahova, tsigiriki tsitano na tsiviri, namabondi makole gatano na gaviri amadukiru lidiku sa lilala ku madiku gatano na gaviri; na ikole indala lidiku sa lilala kuva kihaanwa kyobwoni.

Livalidza 23:1

Na Balaam ya volera Balaki, U nyombakire ubwali butano na buviri, na u nombere hano tsigiriki tsitano na tsiviri, na magondi makole gatano na gaviri.

Livalidza 23:14

Na ya mu hila kuduka mu mulimi gwa Zofim, kuduka ku intongi ya Pisga, na yombaka bwali butano na buviri nokuhaana igiriki na ligondi likole ku bwali sa bulala.

Livalidza 23:29

Na Balaam ya volera Balaki, U nyombakire hano bwali butano na buviri, na u nombere tsigiriki tsitano na tsiviri, na magondi makole gatano na gaviri.

Matayo 3:17

kandi henza, munwa gwa twula mwigulu ni gu vola, Uyu no Mwana wange, muyanzi wange wa nyanza.

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

2 Timoteo 4:14

Alekisandero mutuli womu gasa ya nkola ubudamano bunyingi: Mwami a la mu tunga kuli miyinzi gyigye.

Vahebraina 10:4

Kigira si ga nyalika amasahi getsigiriki na getsimbuli kutwulidza ubwoni.

Vahebraina 7:25

Kigira yaga a nyala kuhonnya ligali yava avisunda ku Nyasaye kuvita ku uyu, kigira a veye mwoyo tsinyinga tsyosi kuvasaalira.

Yakobo 5:14

Mulala ku mwinye a lwala? A lange avakulundu velivugana, va mu saalire nokumuvaka maguta mu lieta lyo Mwami:

Yakobo 5:16

Mweyamirane ubwoni bwenyu avene navene, mu saalirane avene navene mu duke kuhonnywa. Lisaala lyomundu mulungi li konya ligali mu likola lyalyo.

1 Yohana 5:16

Mundu na a lola amwavo wewe na a kola ubwoni bu ta li bwelikudza, a la saala, na Nyasaye a la mu heera livamwoyo kigira yava ava kola ubwoni bu ta li bwelikudza. Ubwoni bu veyo bwelikudza: si mbola a saale kubwo.

1 Yohana 5:6

Uyu niye uudzi ku inzira yamadzi namasahi, Yesu Kristo; si ga li amadzi geng'ine, navutswa namadzi namasahi. Kandi niye Roho u lolekidza, kigira Roho noweligali.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

1 Samweli 25:35

Na ndiyo Daudi ya vugula mmukono gwigwe vya ya mu letera: na ya mu volera, Yanegire, u tsie ingo wowo nemirembe; henza, mbuliye mwoyo gugwo, na mbugiriye liva lilyo.