Ayubu 42:2 - KITABU KITAKATIFU

² Mmanya ive u nyala kukola vindu vyosi Kandi lisaavira lilyo lyosi si li nyala kugaywa.

Ayubu 42:2 ပူးပေါင်းရင်းမြစ်များ

Litanga 18:14

Ha veye nekindu ku vyosi ki nyala kutama Yahova? Ku inyinga ya lagwa ndirana ku ive, lwa tsinyinga tsi duka, na Sara a la nyola mwana muyai.

Ayubu 23:13

Navutswa a veye nomwoyo mulala, ni bwaha u nyala kumugirunkannya? Kandi kyomwoyo gwigwe gu yanza, nikyo kya a kolanga.

Ayubu 25:2

Lyameha nobutii vi veye halala na uyu; A kolanga mirembe hadiguluku hehe.

Ayubu 42:1

Hene yaho Ayubu ya tivulira Yahova, na a vola,

Zaburi 135:6

Gosi aga Yahova a yanza, yaga a kola, Migulu na mu lirova, na mu tsinyanza na mu luliva lwosi;

Zaburi 139:2

Ive u manya likala lyange na lisingira lyange; Ive u manya tsiganagani tsyange ihale.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Kohelethu 3:14

Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Isaya 14:27

Kigira Yahova wa mahe wa saavira, nibwaha u la kola ga vule kuva? Nomukono gwigwe gwa nyirwa, nibwaha u girunkannya gwirane?

Isaya 43:13

Yee kutwula ku lidiku lya li ho, inze niye, na si ha veye na u nyala kuhonnya ku mukono gwange: inze nda kola miyinzi, ni bwaha u nyala kugyigalira?

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Ezekieli 38:10

Mwami Nyasaye a vola ndi: Ga la duka mu lidiku yili, tsiganagani tsi lingira mwoyo gugwo, na ive u la saavira lisaavira lidamano:

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Matayo 19:26

Yesu ya va henza na a va volera, Ku vandu si ki nyalika mba; navutswa ku Nyasaye vindu vyosi vi nyalika.

Marko 10:27

Yesu ya va henza, na a vola, Ku vandu si ga nyalika mba, navutswa si ga veye ndi ku Nyasaye: kigira vindu vyosi vi nyalika ku Nyasaye.

Marko 14:36

Kandi ya vola, Abba, Dada, ive u nyala vindu vyosi; u twulidze kikombe yiki ku inze: navutswa ga ta va kuli wa inze ndalira, navutswa ga ve kuli wa ive u lalira.

Luka 18:27

Navutswa ya vola, Vindu vi ta nyalika ku vandu, vi nyalika ku Nyasaye.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;