Ayubu 4:6 - KITABU KITAKATIFU

⁶ Ubutii bubwo ku Nyasaye si bu veye buluviriri bubwo, Na lisuuvira lilyo si li veye ubulungi bwenzira yoyo?

Ayubu 4:6 ပူးပေါင်းရင်းမြစ်များ

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 13:15

Kali ni ya nziita, nda mu suuvira ndiyo; Halala na yaga nda lungekidza inzira yange imbiri wewe.

Ayubu 16:17

Kali kirage ni ki ta veye mmukono gwange, Lisaala lyange li veye linifu.

Ayubu 17:15

Ku gene yaga lisuuvira lyange li veye haliha? Kandi ku makuva gelisuuvira lyange, ni bwaha u li lola?

Zaburi 26:1

O Yahova, u nkalagire, kigira ng'endi mu budukiru bwange: Nsuuviye Yahova bugira lihayahayidza.

Zaburi 27:3

Kali ni li va lihe li nkumbiridza, Mwoyo gwange si gu la tia: Kali ubulwani ni bu vuka ku inze, Mu yibu nda va nelisuuvira.

Tsing'ano 14:26

Mu litia Yahova mu veye neliluviridzwa Na avana veve va la va nahokwivisa.

Tsing'ano 3:26

Kigira Yahova a la va ubuluviriri bubwo, Na a la linda kirenge kikyo ki vule kugumirwa.

Isaya 33:6

Tsinyinga tsitsyo tsi la va nelidinyeridza, ubuhonnyi bumyingi, nobu geeri, nelimanya: litia Yahova li veye butugi bwibwe bwakiba.

1 Petro 1:13

Kigira yaga mu bohe vikenge vyemyoyo gyenyu, mu ve nobugeeri, mu vike lisuuvira lyenyu ligali ku tsimbabasi tsya mu li leterwa mu lilang'aminywa lya Yesu Kristo;

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: