Ayubu 4:19 - KITABU KITAKATIFU

¹⁹ Nasindi yavo ava menyanga mu tsinyumba tsyobudohi, Tsyemise gyatsyo gyi veye mu marova, Ava duvulangwa imbiri wetsisere

Ayubu 4:19 ပူးပေါင်းရင်းမြစ်များ

Litanga 18:27

Kandi Abrahamu ya tivula na a vola, Henza, kalunu, nduviriye kuvolerana na Mwami, inze u veye ulugukyi na ligoke vutswa:

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Litanga 3:19

mu lugeri lwommoni mumwo u la lia vyokulia, kuduka ive u lirana mu marova; kigira wa twulidzwa mugo: kigira u veye ulugukyi, na u lirana mu lugukyi.

Ayubu 10:9

Yidzulitsa, mwadza, ive u nongi kuli budohi: Na u la mbika mu lugukyi kandi?

Ayubu 13:12

Livola lyenyu lyokwidzulitswa veye tsing'ano tsyeligoke, Madigi genyu ga veye madigi gobudohi.

Ayubu 13:28

Kali ni mbeye kuli kindu kya gunduluka, Kuli ingubo yetsisere tsya lia.

Ayubu 14:2

A lavidzanga kuli kimuli, ma a kalagwa: A nyagulanga kuli kiriri, si a singiranga mba.

Ayubu 22:16

Avedzumbwa inyinga yavo ni kikiri kuduka, Avomuse gwavo gwa sundulwa kuli mugera,

Ayubu 25:6

Nasindi mundu, u veye ing'ende Nomwana womundu, u veye ing'ende.

Ayubu 33:6

Henza, inze mbeye imbiri wa Nyasaye kuli ive u veye: Inze nda longwa mu budohi.

Zaburi 146:4

Mwika gwigwe gu twulanga, naye yirana ku marova gege; Ku lidiku zana tsiganagani tsitsye tsi heranga.

Zaburi 39:11

Inyinga ive u lungikidza namageli mundu ku mahyolo gege, U heridza ubulahi bwibwe kuli tsisere: Ligali avandu sa mulala a veye mwika vutswa. [Selaha

Kohelethu 12:7

nolugukyi kwirana ku lirova kuli lwa li, nomwoyo kwirana ku Nyasaye wa tanga kuguhaana.

2 Vakorintho 4:7

Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene;

2 Vakorintho 5:1

Kigira ku manya inyumba yetu ya hasi hano kali ni yononywa, ku veye nelyombakwa li twulanga ku Nyasaye, inyumba i ta lombwa namakono, yemihiga nemihiga, migulu.

1 Petro 1:24

Kigira, Mibiri gyosi gyi veye kuli ubunyasi, Kandi ubukumi bwagyo bu veye kuli kimuli kyobunyasi. Ubunyasi bwumanga, nekimuli kyabwo ki vunguluka: