Ayubu 4:17 - KITABU KITAKATIFU

¹⁷ Umundu welikudza a la va nobulungi kuvita Nyasaye? Umundu a la va musiyeku kuvita Mulombi wewe?

Ayubu 4:17 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Ayubu 15:14

Ku mundu a veye ki, kuduka u gwiye munifu? Uyu womukali yivula, u gwiye mulungi?

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Ayubu 31:15

Uyu wa nombera mmunda, si ya lomba uyu kandi? Si ya li uyu mulala yeng'ine wakulongera vombi mmunda?

Ayubu 32:22

Kigira si manya kuha vandu ameta gelidzominywa vutswa; Kinga ni ga la veye ndiyo, Mulombi wange nkano u ntwulidze bwangu.

Ayubu 35:10

Navutswa si ha veye nomulala u volanga, Nyasaye Mulombi wange a veye haliha? U ku hedzanga liyimba tsinyimbu inyinga yobudiku,

Ayubu 35:2

U ganagana yaga ga veye ubulungi bubwo, Kinga u volanga, Ubulungi bwange bu viti ubulungi bwa Nyasaye,

Ayubu 36:3

Nda leta limanya lyange kutwula ihale, Na nda vole ku Mulombi wange a veye nobulungi.

Ayubu 4:16

Kigingi zana kya singira makiriri, navutswa si nda manya ligondo lyakyo mba; Kifwananyi kya li imbiri wetsi moni tsyange: Ha kiring'ana, na nda hulira mwoyo ni gu vola,

Ayubu 40:8

U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

Ayubu 8:3

Nyasaye a kyaminyanga likalaga? Kinga Wanyala Vyosi a kyaminyanga agobulungi?

Ayubu 9:2

Ligali inze manya ga veye ndiyo: Navutswa mundu a vedzanga ndi wobulungi imbiri wa Nyasaye?

Zaburi 143:2

U tingira mu lilkalagira mutumekiri wowo Kigira imbiri wowo si ha veye nomundu ku vosi va veye mwoyo, u va mulungi mwene mmoni mumwo.

Zaburi 145:17

Yahova a veye mulungi ku tsinzira tsitsye tsyosi, Na a veye wetsimbabasi mu miyinzi gyigye gyosi.

Kohelethu 7:20

Ligali si ha veye nomundu wobu geeri mulala ku lirova, u kolanga bulahi, nokuvula kukola ubwoni.

Jeremia 12:1

Ive u veye mulungi, O Yahova, ni mba ni nku goonya; navutswa nkano mbolerane nive likuva yili: kigira ki inzira yomudamano i gasidzangwa? Kigira ki ava tumekiranga ubugadi vosi va veye mbwelemeridzi?

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Varumi 11:33

O ubunyingi bwobutugi bwobugeeri no bwelimanya bwa Nyasaye likalaga lilye li vula kumanyekana ndi, kandi tsinzira tsitsye tsi vula kunyoleka ndi

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

Varumi 9:20

Ga ta va ndiyo, navutswa, ive mundu, u veye ibwaha u tivulira Nyasaye? Kindu kya lombwa ki nyala kuvolera uyu wa ki lomba, Kigira ki wa nomba ndi?

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.