Ayubu 36:7 - KITABU KITAKATIFU

⁷ Si a twulidza tsimoni tsitsye ku lihenza valungi: Navutswa halala navami ku tsintebe A va vikanga madiku gosi, navo vidzominyangwa.

Ayubu 36:7 ပူးပေါင်းရင်းမြစ်များ

Litanga 23:6

U ku hulire, mwami wange; ive u veye munene wa Nyasaye hagati hetu: mu vilindwa vyetu ki veye kitovole u te mu mukudzu wowo; si ha veye nomundu ku kwinye u nyala kukugaya ku kilindwa kikye, u duke kuta mu mukudzu wowo.

Litanga 41:40

ive u la va ku inyumba yange, kandi kuli likuva lilyo avandu vange vosi va la lagwa ndiyo: na mu intebe yohwami yeng'ine inze nda va munene kuvita ive.

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Esther 10:3

Kigira Morde kai Muyuda ya li wa kaviri ku mwami Ahasueru, na ya li munene hagati ha Vayuda, kandi ya bugirirwa mu livugana lya vamwavo veve, yenya ubulahi bwa avandu veve, nokuvola mirembe ku visukululwi viyve vyosi.

Ayubu 1:3

Nobutugi bwibwe bwa li amagondi tsielfu tsitano na tsiviri, netsing'amia tsielfu tsivaka, netsing'ombe tsyokulima elfu indala netsisukiri tsidwasi tsimia tsitano navandu vomu inyumba avanyingi ligali; kunangwa mundu uyu ya li munene kuvita avandu vosi avoluvega lwevugwe.

Ayubu 22:29

Lwa va ku tsoma hasi, u la vola Lisingeridzwa li veye ho kandi, Na mwegehidzi a la mu honnya.

Ayubu 31:4

Si a lolanga tsinzira tsyange, Nokuvalidza tsinduvatiru tsyange tsyosi?

Ayubu 4:7

Mwadza, widzulitse, ni bwaha wa diva vutswa na a veye bugira lihyolo? Kinga avalungi va kalagirwa haliha?

Ayubu 42:12

Na ndiyo Yahova ya gasidza kiheri kya Ayubu kuvita litanga lilye: naye ya li namagondi tsielfu likumi na tsine, netsing'amia tsielfu tsitano na indala, netsing'ombe tsyo kulima tsielfu tsiviri, netsisukiri tsi dwasi elfu indala.

Ayubu 5:11

Kuduka uyu a ginganga ava veye hasi, Na va syomanga va gingangwa va duke ku mirembe.

Zaburi 33:16

Si ha veye nomwami u honnywa nobunyingi bwelihe: Kandi wetsingulu si yehonnya netsingulu tsitsye tsinene.

Zaburi 33:18

Henza, imoni ya Yahova i veye ku yavo ava mu tidzanga, I veye ku yavo ava suuviranga tsimbabasi tsitsye

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Zaburi 34:16

Mmoni mwa Yahova mu veye ku yavo ava kolanga ubudamano, Kutema kyokuvidzulitsa kyavo ki ta va mu lirova.

Zaburi 41:12

Yee, mu budukiru bwange u nduviridzanga, Na u mbeye kusingira imbiri wowo mihiga nemihiga.

Isaya 22:23

Nda mu dinnya kuli musumari ha suuvira ngwa; na a la va intebe yobukumi mu inyumba ya dada wewe.

Zefania 3:17

Yahova Nyasaye wowo a veye hagati hoho, wobunyali a la honnya; a la yanza ku ive nelisangala linene; a la sosa mbuyanzi bwibwe; a la sangala ku ive nelyimba.

2 Vatesalonike 3:3

Navutswa Mwami a veye musuuvirifu, u li luviridza mwinye, nokumulinda ku mudamano.

1 Petro 3:12

Kigira tsimoni tsyo Mwami tsi henza ku avalungi, Kandi amatu gege ga yeki ku lisaala lyavo: Navutswa mumoni mwo Mwami mu veye ku yavo avakola budamano.

1 Samweli 2:8

A ginganga mudaka nokumutwulidza mulugukyi, A ginganga mwegombi nokumutwulidza mu isina, Nokuvakola vikale halala navanene, Nokunyola miyandu intebe yobukumi: Kigira tsitiru tsyelirova tsi veye tsya Yahova, Uyu wa singeridza lirova kutsyo.