Ayubu 33:4 - KITABU KITAKATIFU

⁴ Roho wa Nyasaye u nombi, Na mwika gwa Wanyala Vyosi gu mbedzanga livamwoyo.

Ayubu 33:4 ပူးပေါင်းရင်းမြစ်များ

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Ayubu 10:12

U mbeye livamwoyo netsimbabasi Nobuhenzi bubwo bu lindangamwoyo gwange.

Ayubu 10:3

Bu veye bulahi ku ive kukupidza kivi, Nokulega miyinzi gyamakono gogo mwene, Nokung'ering'ana ku makuva gavadamano?

Ayubu 12:10

Welivamwoyo lya vyosi vi veye mwoyo li veye mmukono gwigwe, Na myika gyavandu vosi?

Ayubu 27:3

(Kigira livamwoyo lyange li kikiri ligima mu inze, Na mwika gwa Nyasaye gu veye mu amolo gange);

Ayubu 32:8

Navutswa mwoyo gu veye mu mundu, Na miyika gya Wanyala Vyosi gyi va hedzanga limanya.

Zaburi 104:30

U tuma Roho wowo, na vi lomba ngwa; Ive u lomba lirova kuva lihya.

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Varumi 8:2

Ki gira lilaga lya Roho welivamwoyo mu Kristo Yesu li mali kumboholola kutwula mu lilaga lyobwoni nelyelikudza.

1 Vakorintho 15:45

Kandi ndiyo ga ng'odwa, Mundu wembiri Adamu ya gwa mwika gwelivamwoyo. Adamu wenyima ya gwa roho gu haana livamwoyo.