Ayubu 32:21 - KITABU KITAKATIFU

²¹ Mwadza, u ta ndeka kwelidza mmoni mwomundu kali mulala Kandi si nda ha mundu ku vosi ameta gokumidzominya vutswa.

Ayubu 32:21 ပူးပေါင်းရင်းမြစ်များ

2 Samweli 14:17

Hene yaho inze mukana mutugwa wowo lwa nda vola, Mwadza, likuva lyomwami li ve lyokuleta bwelemeridzi; kigira kuli ingelosi wa Nyasaye, ni ndiyo munene wange, mwami a veye kwavukannya amalahi namada mano: na Yahova Nyasaye wowo a veye halala nive.

2 Samweli 14:20

mu tumekiri wowo Joabu ya kola yaga a duke kugirunkannya ligondo lye nkuva yiyi: nomunene wange a veye nobugeeri, kuli ubugeeri bwengelosi wa Nyasaye, a duke kumanya vindu vyosi vi veye ku lirova.

Ayubu 13:10

Ligali a la gondokera mwinye, Ni mu va ni mweridzanga ku vandu makiriri.

Ayubu 13:8

Mu la bugirira mumoni mwimwe? Na mu la hing'ana kigira Nyasaye?

Ayubu 32:20

Nda vola, nduke kusosa; Nda kunula minwa gyange nokutivula.

Ayubu 32:22

Kigira si manya kuha vandu ameta gelidzominywa vutswa; Kinga ni ga la veye ndiyo, Mulombi wange nkano u ntwulidze bwangu.

Ayubu 33:3

Makuva gange ga la wla bulungi bwomwoyo gwange; Na geminwa gyange gyi manya nigo aga gyi vola na geligali.

Ayubu 34:19

Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

Zaburi 82:2

Tsinyinga tsyanga mu la kalaga nobukyamu, Nokubugirira mmoni mwa avadamano? [Selaha

Tsing'ano 24:23

Yaga kandi na makuva gavageeri. Si bu li bulahi kuva nelyeridza ku avandu mu likalaga.

Tsing'ano 28:23

Uyu u gondokera mundu lwenyima a la nyola ubulahi kuvita Uyu wiidzominyanga na makuva gege madoto.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Malaki 2:9

Kigira yaga mmali kukolera mwinye avokulegwa na vahanzahanza imbiri wa avandu vosi, kuli mwinye mwa vula kulinda tsinzira tsyange, navutswa mwa li nelyelidza ku vandu mu malago.

Matayo 22:16

Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu,

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.