Ayubu 31:7 - KITABU KITAKATIFU

⁷ Induvatiru yange ni i va ni i girunkana kuleka inzira, Nomwoyo gwange ni gu va ni gu londa tsimoni tsyange, Kandi Imbala kali indala ni i va ni i handi ku makono gange:

Ayubu 31:7 ပူးပေါင်းရင်းမြစ်များ

Ayubu 16:17

Kali kirage ni ki ta veye mmukono gwange, Lisaala lyange li veye linifu.

Ayubu 17:9

Mulungi a la tsitsagil'la ku inzira yeye, Na uyu u veye namakono manifu a la meda kunyola tsingulu.

Ayubu 23:11

Kirenge kyange ki handi ligali ku tsinduvatiru tsitsye; N gumiye ligali inzira yeye, si ntsia haluvega.

Ayubu 27:5

Ga ta va ku inze kuvola mwinye mu veye avalungi: Kuduka lwa nkudza si nda bugi rira kuta ubulungi bwange.

Ayubu 27:6

Ubulungi bwange mbu gumiye ligali, na nda vula kubuleka; Mwoyo gwange si gu la ngondo kera lwa mbeye mwoyo mba.

Ayubu 9:30

Kali ni nzisinga namadzi gelikonza, Nokutakasa makono gange kuduka kuva aga ta takaswa kuvita;

Zaburi 101:3

Si nda vika kindu kidamano imbiri wetsimoni tsyange: Ndunyira miyinzi gya yavo ava gota inzira; Si gyi la ng'umira mba.

Zaburi 7:4

Ni mba ni nzirannyi ubudamano ku uyu u veye nemirembe ku inze (Yee, mmali kuhonnya uyu u veye mudambidzi wange bugira kindu);

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Isaya 33:15

Uyu u gendanga mbulungi, nokuvola agobulungi; u leganga vyambeti vi nyolekanga ku lidambidza, uyu wuhanga makono gege ga vule kuvugula vikukula, u hananga amatu gege ga vule kuhulira ga masahi, nokumwolidza tsimoni tsitsye a vule kuhenza ubudamano:

Ezekieli 14:3

Ive mwana womundu, avandu yava va viki vifwananyi vyavo mu myoyo gyavo, va viki kyokwikigitala kyobudamano bwavo imbiri wommoni mwavo: ga ndukira yavo va nteve ku makuva gosi?

Ezekieli 14:7

Kigira mundu sa mulala mu inyumba ya Israeli, kinga avageni va menyanga mu Israeli, u twulidzanga mwoyo gwigwe ku inze, nokuvugula vifwananyi vivye mu mwoyo gwigwe, nokuvika kyokwikigitalidza kyobudamano bwibwe imbiri wommoni mwimwe, nokutsia ku muprofeti kunteva likuva ku mwoyo gwigwe: Inze Yahova nda mu tivulira, inze mwene:

Ezekieli 6:9

Na va li hona ku avandu venyu va lidzulitsa inze hagati hetsihiri ha va li hilwa avahambe, kuli nda vunannya vidonye ku myoyo gyavo gyamalaya, gyahulwa ku inze, noku tsimoni tsya vo, tsya londa vifwananyi mmalaya: navo va ledunyira avene mu tsimoni tsyavo, kigira ubudamano bwa va kola mu kivihiri kyavo kyosi.

Livalidza 15:39

na bu la va ku mwinye buyusi, mu bu henze nokwidzulitsa malago gosi ga Yahova, nokugakola; na mu vule kugendagenda kulonda myoyo gyenyu avene, na tsimoni tsyenyu avene, vindu vya mwa li ni mu londanga ku matsyambiri kukola ubuheyi:

Matayo 5:29

Imoni yoyo yomukono mulungi ni i kwikigitalidza, u gi twulidze, u gi te: kigira nobulahi kindu kilala ku mubiri gugwo ki dive, nomubiri gugwo gwosi gu vule kutebwa mu gehena.