Ayubu 31:4 - KITABU KITAKATIFU

⁴ Si a lolanga tsinzira tsyange, Nokuvalidza tsinduvatiru tsyange tsyosi?

Ayubu 31:4 ပူးပေါင်းရင်းမြစ်များ

Litanga 16:13

Na Hagari ya langa lieta lya Yahova wa volerana naye, Ive u veye Nyasaye u lolanga: kigira ya vola, Inze kali hano nda henza uyu u ndolanga?

2 Kyetsinyinga 16:9

Kigira tsimoni tsya Yahova tsi twulira yiyi neyiyi ku lirova lyosi, ku lyelanga minya kuva netsingulu ku luvega lwa yavo avemyoyo gyavo gyi veye midu kiru kuye. Mu yaga wa kola kuli musiru; kigira kutwula kalunu u la va nobulwani.

Ayubu 11:11

Kigira a manya avandu vobugadi: A lolanga ubudamano kandi, kali na a ta bu vika mu mwoyo gwigwe.

Ayubu 14:16

Navutswa kalunu u validzanga tsinduvatiru tsyange: Si u veye nobulindi ku ubwoni bwange?

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Ayubu 28:24

Kigira uyu a henzanga kali ku tsindulu tsyelirova, Nokulola isi weligulu lyosi;

Ayubu 31:37

Nkano nzivalidze kuye livalidzwa lyetsinduvatiru tsyange; Nkano nzisunde kuye kuli munene.

Ayubu 34:21

Kigira tsimoni tsitsye tsi veye ku tsinzira tsyomundu, Na a lolanga ligenda lilye lyosi.

Ayubu 36:7

Si a twulidza tsimoni tsitsye ku lihenza valungi: Navutswa halala navami ku tsintebe A va vikanga madiku gosi, navo vidzominyangwa.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Tsing'ano 15:3

Tsimoni tsya Yahova tsi veye hosi, A lolanga madamano na malahi.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Jeremia 16:17

Kigira tsimoni tsyange tsi lolanga tsinzira tsyavo tsyosi; si va visika mmoni mwange, kandi ubudamano bwavo si bu la visika imbiri wetsimoni tsyange.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Yohana 1:48

Natanaeli ya mu volera, U mmanyira haliki inze? Yesu ya tivula, na a mu volera, Filipu na a kikiri kukulanga, lwa wa li isi mwomusala gwamakuyu, nda ku lola.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.