Ayubu 31:34 - KITABU KITAKATIFU

³⁴ Kigira nda tia kiduma kinene, Na lilegwa lyobwiko lya ntihidza, Kuduka nda kiring'ana, na si nda Iwula mu kiliango.

Ayubu 31:34 ပူးပေါင်းရင်းမြစ်များ

2 Kyetsinyinga 32:18

Na vanira nomwoyo munene mu lulimi lwa Kiyuda ku avandu va Yerusalemi ava li igulu welidigi, va duke kuvatihidza, noku vahendidza myoyo: va duke kuvugulalidala.

Nehemia 13:28

Na mulala ku avana va Joiada mwana wa Eliashibu musalisi mu nene, wa li navizala wa Sanbalati Muhoron: kigira yaga nda mu kunga a twule imbiri wange.

Nehemia 5:7

Hene yaho nda lomba makuva inze mwene, nda hangalidzana navanene na vamehi, na nda va volera, Mwinye mu tungidzanga vyambeti, mundu sa mulala ku wakye. Na nda vu gannya livugana linene ku avandu yavo.

Esther 4:11

Avatume kiri vosi vomwami, navandu vetsi provinse tsyomwami, va manya, ku vosi mundu, na a va musatsa kinga mukali, ni yingira ku mwami kuduka mu mugidzi'gwomugati, na a ta langwa, ha veye nelilaga lilala vutswa, li veye ndi, yiitwe, na a ta li uyu womwami a sona nempimbo yetha habu, a duke kuva mwoyo: navutswa inze si nangeywi kwingira ku mwami madiku aga li makumi gavaka.

Esther 4:14

Kigira nu u va nu u kiring'ana ligali ku inyinga yiyi, hene yaho Avayuda va la nyola ubwiyangu no ubukonyi bu twula ahandi, navutswa ive navenyumba ya vadada vovo mu la diva: kandi ibwaha u manya ive u vuli kuduka ku bwami kigira inyinga kuli yiyi?

Ayubu 22:8

Navutswa ku makuva gomuluviriri, ya li nelirova Nomundu woluyali, uyu ya menyamulyo.

Ayubu 34:19

Nasindi uyu u vulanga kwelidza myoyo gyavanene, Kinga kuhenza avatugi kuvita avadaka; Kigira yava vosi va veye miyinzigyamakono gege.

Kutwula 23:2

U ta londa kiduma kukola ubwoni: kandi u ta kola lilolekidza lilyo mu likuva kugirunkana nokulonda kiduma kukyaminya likalaga:

Kutwula 32:27

Na a va volera, Yahova, Nyasaye wa Israeli a vola ndi, Mwebohe sa mulala kivavi kikye mu kikenge kikye, na mu vite yiyi na yiyi kutwula ku kiribwa yiki kuduka mu kiribwa kindi hagati hokusosa, na mwiite sa mulala amwavo wewe, na sa mulala wakye wewe, na sa mulala mutende w ewe.

Tsing'ano 29:25

Litia mundu li letanga mutego; Navutswa ku vosi u suuvira Yahova a veye nemirembe.

Jeremia 38:16

Ma mwami Zedekia yisuhira Jere mia makiriri, na a vola, Kuli Yahova a veye mwoyo, wa ku lombera mwoyo gwange yigu, Inze si nda kwiita, kandi si nda ku vika mmakono gavandu venyanga mwoyo gugwo mba.

Jeremia 38:19

Ma Zedekia mwami ya volera Jeremia, Inze nda tia Avayuda ava tsia ku Vakalidei, gase va la mbika mmakono gavo, navo va la ndegannya.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

2 Vakorintho 5:16

Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo.