Ayubu 27:5 - KITABU KITAKATIFU

⁵ Ga ta va ku inze kuvola mwinye mu veye avalungi: Kuduka lwa nkudza si nda bugi rira kuta ubulungi bwange.

Ayubu 27:5 ပူးပေါင်းရင်းမြစ်များ

Ayubu 13:15

Kali ni ya nziita, nda mu suuvira ndiyo; Halala na yaga nda lungekidza inzira yange imbiri wewe.

Ayubu 17:9

Mulungi a la tsitsagil'la ku inzira yeye, Na uyu u veye namakono manifu a la meda kunyola tsingulu.

Ayubu 2:3

Na Yahova ya teva Setani, U loli mutu mekiri wange Ayubu? Kigira si ha li nomulala u veye kuli uyu mu lirova lyosi, mundu musuuvirifu nomulungi, mulala u tidzanga Nyasaye, nokwavu kana nobudamano: naye kali kalunu a ki hambanangi nobudukiru bwibwe, kali nu u ng'oonya kuye, kumudividza bugira kivune.

Ayubu 2:9

Hene yaho mukali wewe ya mu volera, Ive kuduka kalunu u ki hambananga nobudukiru bubwo? Sivulana na Nyasaye, u kudze.

Ayubu 29:14

Ndivika ubulungi, nabwo bwa nkunika: Ubulungi bwange bwa li kuli ijoho na igudwa.

Ayubu 31:6

(Nobulahi ngerwe ku tsiratili tsinungi, Nyasaye a duke kumanya ubulungi bwange);

Ayubu 31:7

Induvatiru yange ni i va ni i girunkana kuleka inzira, Nomwoyo gwange ni gu va ni gu londa tsimoni tsyange, Kandi Imbala kali indala ni i va ni i handi ku makono gange:

Ayubu 32:1

Ma avandu vavaka yavo va leka kutivulira Ayubu, kigira ya li mulungi ku lilola lyetsimoni tsitsye mwene.

Ayubu 32:2

Hene yaho ubutima bwa Elihu mwana wa Barakeli Mubuzi, mu ihiri ya Ramu, bwaaka: ubutima bwibwe bwaaka ku Ayubu, kigira ya li ni yehedza ubulungi mwene kuvita kuha Nyasaye ubulungi.

Ayubu 32:3

Kandi ubutima bwibwe bwaaka ku valina veve vavaka kigira si va nyola litivula, halala na yaga va li ni va kalagiye Ayubu ku va muhyoli.

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Ayubu 42:7

Kunangwa, ga duka ndiyo, inyima wa Yahova ya volera Ayubu makuva yaga, Yahova ya volera Elifazu Muteman, Ubutima bwange bwaaka ku ive, noku valina vovo vombi: kigira mwinye si mwa vola amalungi ku makuva gange ga mwa vola, kuli mutumekiri wange Ayubu ya vola.

Ayubu 6:29

Mwirane, mwadza, li ta va ho likuva lyobukyamu; Yee, mwirane kandi, likuva lyange ni lyobulungi.

Tsing'ano 17:15

Uyu u hedzanga avadamano ubulungi, na uyu u vikanga lihyolo ku mulungi Vombi halala va veye livihiriridza ku Yahova.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

Vagalatia 2:11

Navutswa lwa Kefa yadza Antiokia, nda li nobuhangali kuye, kigira ya li na a mala kukalagirwa kuva muhyoli.

Kwidzulitsa 25:1

Ni li veye ho lihangalidzana hagati ha vandu, ni vadza mu likalagirwa, avakalagi va va kalagira; hene yaho va he mulungi ubulungi, na va kalagire wamahyolo.