Ayubu 27:2 - KITABU KITAKATIFU

² Kuli Nyasaye a veye mwoyo, wa twulidza likalagirwa lyange, Na Wanyala Vyosi wa kupidza mwoyo gwange kivi

Ayubu 27:2 ပူးပေါင်းရင်းမြစ်များ

2 Samweli 2:27

Na Joabu ya vola, Kuli Nyasaye a veye mwoyo, ive u vula kuvola, ngano avandu yavo va tsiye mugamba, kinga ngano si va londi sa mulala amwavo wewe mba.

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 18:15

Na Elija ya mu volera, Kuli Yahova wa mahe a veye mwovo, wa nsingiye imbiri uewe, ligali ndelolekidza inze mwene ku muami lero.

2 Avami 4:27

Nayelwaya duka ku mundu wa Nyasaye mu kigulu, ya mu gumira virenge. Na Gehazi yisunda ahimbi kumutwulidza; navutswa mundu wa Nyasaye ya mu volera, Mu leke a ve: kigira mwoyo gwigwe gu veye nobululu muye; na Yahova u visi ku inze, a vule kumbuulira.

Ayubu 10:3

Bu veye bulahi ku ive kukupidza kivi, Nokulega miyinzi gyamakono gogo mwene, Nokung'ering'ana ku makuva gavadamano?

Ayubu 16:11

Nyasaye ya mbika ku yavo ava vula kumutia, Nokunsikisa mmakono gavadamano.

Ayubu 19:6

Kalunu mu manye Nyasaye u tung'aminye inze mu likuva lyange Na ya nkumbiridza nomutego gwigwe.

Ayubu 23:16

Kigira Nyasaye u koli mwoyo gwange kudendeya, Na Wanyala Vyosi a ntihidzi;

Ayubu 34:5

Kigira Ayubu a voli, Inze mbeye mulungi, Na Nyasaye u nyad ubulungi bwange:

Ayubu 35:2

U ganagana yaga ga veye ubulungi bubwo, Kinga u volanga, Ubulungi bwange bu viti ubulungi bwa Nyasaye,

Ayubu 40:8

U la tsangalalidza likalaga lyange? U la lola mahyolo ku inze, u duke kuvolwa kuvo mulungi?

Ayubu 9:17

Kigira yononyanga inze nekihi, Nokumeda tsing'oma tsyange bugira kivune.

Ayubu 9:18

Si a la ndeka kuheerana, Navutswa wizulitsa ku inze nekivi.

Isaya 40:27

Kigira ki, O Yakobo, u vola, na ive Israeli u vola, Inzira yange i viswa ku Yahova, nelikalaga lya ndukana nalyo lya vita kutwula ku Nyasaye wange?

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 4:2

na u lisuha ndina, Kuli Yahova a veye mwoyo, mu geligali, mu likalaga, nomu bu lungi; tsihiri tsi legasidza muye, va lekuminya muye.

Jeremia 5:2

Kali ni va vola, Kuli Yahova a veye mwoyo; ligali visuhanga nobu behi.

Ezekieli 33:11

U va volere Kuli mbeye mwoyo, Mwami Nyasaye a vola, Inze si nsangalira likudza lyomudamano; navutswa nobulahi mudamano yeganire nokuleka inzira yeye nokuhindira a ve mwoyo; mweganire, mweganire mu leke tsinzira tsyenyu tsindamano; kigira ki mwenya kukudza, mwinye avenyumba ya Israeli?

Livalidza 14:21

Navutswa kuli mbeve mwovo, na kuli lirova lyosi li lizula ubukumi bwa Yahova;

Ruth 3:13

Linda budiku buno, na ga la va mugamba, na a va na a dukidza ku ive ga dukiranga wenyumba ya himbi, nobulahi; a la kola ga dukiranga wenyumba ya himbi: navutswa na a vula kukolera ive ga dukiranga wenyumba ya himbi, hene yaho inze nda ku kolera, kuli Yahova a veye mwoyo: u gone kuduka mugamba.

1 Samweli 14:39

Kigira, kuli Yahova a veye mwoyo, u honnyanga Israeli, kali ni bu veye mu mwana wange Jonathan, ligali a la kudza. Navutswa si a li ho kali mulala, muvo vosi wa mu tivulira.

1 Samweli 14:45

Navandu va volera Saulo, Jonathan a la kudza naho, na a li niye wa kola ubukonyi bunene mu Israeli? Auwa: kuli Yahova a veye mwoyo, si li la gwa hasi lisu kali lilala lyomutwe gwigwe; kigira a koli miyinzi halala na Nyasaye lero, ma avandu va honnya Jonathan, a vule kukudza.

1 Samweli 20:21

Na, henza, nda tuma muyai, nokumuvolera, U tsie kwenya mibano. Ni mba ni mu volera muyai zana, Henza, mibano gyi veye ku luvega yilu; u gyi vugule, udze nagyo; kigira gyi veye mirembe ku ive, si bu veye ubuhimwa mba, kuli Yahova a veye mwoyo.

1 Samweli 25:26

Kunangwa kalunu, munene wange, kuli Yahova a veye mwoyo, na kuli ive mwene u veye mwoyo, kigira Yahova u ku gayi u ta sundula i masahi, kandi u tevanzira kisalya nomukono gugwo mwene, kunangwa kalunu avasigu vovo vosi, navandu ava kwenyeranga likuva lidamano ku ive, va ve kuli uyu Nabali.

1 Samweli 25:34

Kigira ligali, kuli Yahova, Nyasaye wa Israeli, a veye mwoyo, wa gaya inze mbule kukusaliridza, nu u va wa vula kukola bwangu kuduka kuvugana ninze, ligali uyu Nabali, ngano si a tigala nekindu, kali mwana muyai mulala inyinga ya bwa kya.