Ayubu 23:13 - KITABU KITAKATIFU

¹³ Navutswa a veye nomwoyo mulala, ni bwaha u nyala kumugirunkannya? Kandi kyomwoyo gwigwe gu yanza, nikyo kya a kolanga.

Ayubu 23:13 ပူးပေါင်းရင်းမြစ်များ

Ayubu 10:13

Na vindu yivi vyosi wa vi visa mu mwoyo gugwo; Mmanya yaga ga veye halala nive:

Ayubu 10:7

Kali nu u manyi inze si mbeye mudamano, Kandi si ha veye u nyala kuhona ku mukono gugwo?

Ayubu 11:10

Na a vita, nokuhana, Nokulanga kutsia mu likalagirwa, ni bwaha u nyala kumugayidza?

Ayubu 12:14

Henza, a sambulanga, na si vi nyalika kwombakwa kandi; A bohanga mundu musatsa, na liboholola si li nyalika mba.

Ayubu 23:12

Si nzirani inyima kuleka lilaga lyeminwa gyigye mba; Nzivikiye akiba yamakuva gomunwa gwigwe kuvita vyokulia vyange.

Ayubu 23:14

Kigira a dukidza kya nda lagwa: Kandi vindu vinyingi kuli yivi vi veye halala naye.

Ayubu 34:29

Lwa a leta mirembe, ni bwaha a nyala kulola kuye ubudamano? Na lwa a visanga mmoni mwimwe ni bwaha u nyala kumulola? Na a va na ga lomberwa ihiri, kinga umundu, ga leng'ana:

Zaburi 115:3

Navutswa Nyasaye wetu a veye mwigulu: Ku vyosi u koli kuli ubulaliri bwibwe.

Zaburi 135:6

Gosi aga Yahova a yanza, yaga a kola, Migulu na mu lirova, na mu tsinyanza na mu luliva lwosi;

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Kohelethu 1:15

Kya kyama si ki nyala kulungikidzwa; na ki ta veye ho si ki nyala kuvalidzwa.

Kohelethu 3:14

Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe.

Isaya 46:10

u lolekidzanga kiheri kutwula ku litanga, kandi kutwula ku matsyambiri nda vuula vindu vi kikiri kukolwa; ni mbola, Makuva gange ga la singira, na nda kola vyosi vya nyanzanga;

Isaya 46:11

nokulanga linyonyi likuvali kutwula ivugwe, umundu welivola lyange kutwula mu kivala kye ihale; yee, inze mboye, kandi nda dukidza nsaaviye, kandi nda ga kola.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Varumi 9:19

Kunangwa u la nteva, Ga li ndi mwene na a lola ubwoni bu veye kuvo? Kigira ibwaha a nyala kusula ubulaliri bwibwe?

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.