Ayubu 23:10 - KITABU KITAKATIFU

¹⁰ Navutswa a manya inzira ya ntsitsa ku; Na a mali kungeridza nda twula kuli ithahabu.

Ayubu 23:10 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

2 Samweli 22:22

Kigira ng'umiye tsinzira tsya Yahova, Kandi si nda twula ku Nyasaye wange ku budamano.

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

Ayubu 10:7

Kali nu u manyi inze si mbeye mudamano, Kandi si ha veye u nyala kuhona ku mukono gugwo?

Ayubu 23:7

Ha zana avalungi nkano va ka lohidzana imbiri wewe; Ma nda honywa ku mukalagi wange mihiga nemihiga.

Ayubu 23:9

Ntsitsanga haluvega lwomukono mmosi, ha a kolanga miyinzi navutswa si nyala kumulola; Yivisa ku luvega lwomukono mulungi, mbule kumulola.

Ayubu 31:4

Si a lolanga tsinzira tsyange, Nokuvalidza tsinduvatiru tsyange tsyosi?

Ayubu 31:6

(Nobulahi ngerwe ku tsiratili tsinungi, Nyasaye a duke kumanya ubulungi bwange);

Ayubu 33:9

Mbeye musiyeku, si mbeye na mahyola mba; Si mbeye nekindu, kandi si ha veye nobudamano mu inze:

Ayubu 6:29

Mwirane, mwadza, li ta va ho likuva lyobukyamu; Yee, mwirane kandi, likuva lyange ni lyobulungi.

Ayubu 7:18

Nokumuluta mugamba nomugamba, Nokumugeridza idagika nedagika?

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 11:5

Yahova a geridza avalungi; Navutswa mwoyo gwigwe gu dunyira mudamano, na uyu u yanza kirage.

Zaburi 17:3

U geridzi mwoyo gwange; u duki ku inze mbudiku; U mali kumbenzeridza, na si u nyoye kindu; Nsaaviye munwa gwange si gu la hyola mba.

Zaburi 66:10

Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Jeremia 12:3

Navutswa ive, O Yahova, u manya inze; u ndolanga, na u geridzanga mwoyo gwange kuli gu yeka ku ive: u va kwese kuli amagondi ga tsitsanga mu liitwa, u va tegeke ku lidiku lyokwiitwa.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

1 Vakorintho 3:15

Ku vosi wemiyinzi gyigye gyi la hya, a la yinga, navutswa mwene a la honnywa; navutswa ga veye kuli a vita mu muliru.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

Vahebraina 11:17

Ku lisuuvira Abrahamu, lwa ya geridzwa, ya twulidza Isaka, a ve kisyuviriru: yee, uyu ya vugula lisuuviridzwa nobuyanzi ya li na a twulidza mwana wewe muderwa;

Yakobo 1:12

A veye nobugasu wikudziranga mu ligeridzwa: kigira na a mali kubugirirwa a la nyola itaji yelivamwoya yo Mwami ya lagira yavo ava mu yanzanga.

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.