Ayubu 21:16 - KITABU KITAKATIFU

¹⁶ Henza, ligasidzwa lyavo si li veye mmukono gwavo: Livola lyavadamano li veye ihale ninze ligali.

Ayubu 21:16 ပူးပေါင်းရင်းမြစ်များ

Litanga 49:6

O mwoyo gwange, u tingira mu makuva gavo; Ubukumi bwange, u ta sanga mu livugana lyavo; Kigira mu butima bwavo viita mundu, Kandi mu budinyu bwemyoyo gyavo va tegula lugaga.

Ayubu 1:21

na ya vola, Inze nda twula munda mwa mama wange ni mbeye mwere, na kandi ndirana yo ndiyo mwere; Yahova ya haana, kandi Yahova u vuguye; Iieta lya Yahova li gasidzwe.

Ayubu 10:3

Bu veye bulahi ku ive kukupidza kivi, Nokulega miyinzi gyamakono gogo mwene, Nokung'ering'ana ku makuva gavadamano?

Ayubu 22:18

Halala na yaga yizulitsa tsinyumba tsyavo vindu vilahi; Navutswa makuva gavadamano ga veye ihale ninze.

Zaburi 1:1

A veye nobugasu mundu u vula kugenda mu makuva gavoni Kandi u vula kusingira ku inzira ya vetsimbi, Kandi si yikala ku kisako kya vekihenyahenye:

Tsing'ano 1:10

Mwana wange, avobwoni ni va ku sona, U ta bugirira mba.

Tsing'ano 5:8

U twulidze inzira yoyo i ve ihale ku mukali uyu, Kandi u ta vita himbi muliango gwenyumba yeye;

Kohelethu 8:8

Si ha veye nomundu u veye nobunyali ku mwoyo kwigalira mwoyo; kandi si a veye nobunyali ku lidiku lyelikudza; kandi si a veye nelihebwa munwa mu bulwani: kandi ubudamano si bu la honnya uyu wa nala kubulonda.

Luka 16:2

Ya mu langa na a mu volera, Amakuva ki ga mbulira ku ive? Tivula hesabu yobulindi bubwo; kigira ive si u nyala kandi kuva mulindi.

Luka 16:25

Navutswa Abrahamu ya vola, Mwana wange, widzulitsa ive wa nyola vilahi lwa wa li mwoyo mu lirova, na Lazaro ya nyola vidamano: navutswa kalunu uyu u sosidzeywi hano, na ive u salira ligali.