Ayubu 2:5 - KITABU KITAKATIFU

⁵ Navutswa kalunu u nyire mukono gugwo u dire kigumba kikye nenyama yeye, na a la ku nyega imbiri wommoni mumwo.

Ayubu 2:5 ပူးပေါင်းရင်းမြစ်များ

1 Kyetsinyinga 21:17

Na Daudi ya volera Nyasaye, Si a veye inze wa laga avandu va validzwe? Ni inze wa kola ubwoni nokukola ubudamano bunyingi; navutswa amagondi yaga, ga koli ki? Nku goonya, O Yahova, Nyasaye wange, leka mukono gugwo gu ve ku inze, noku inyumba ya dada yange; navutswa gu ta va ku avandu vovo, va luhe va duywe mba.

Ayubu 1:11

Navutswa nyira mukono gugwo kalunu, u dire vyosi vya a veye navyo, na a la ku nyega imbiri wommoni mumwo.

Ayubu 1:12

Yahova ya volera Setani, Henza, vyosi vya a veye navyo vi veye mu bunyali bubwo; navutswa u ta nyira mukono gugwo ku mwene mba. Ma Setani ya twula imbiri wommoni mwa Yahova.

Ayubu 1:5

Na ga duka, lwa madiku gelilia lyavo ga kung'ana, Ayubu ya tuma nokuvatakasa, na a vuka mugamba tsuri, na a haana vihaanwa vyoku sambwa kuli livalidzwa lyavo vosi: kigira Ayubu ya vola, Namusya avana vange va koli ubwoni, nokunyega Nyasaye mmyoyo gyavo. Ayubu ya kola ndiyo kazozo.

Ayubu 2:4

Na Setani ya tivulira Yahova, na a vola, Ligodo ne ligodo, yee, vyosi vyomundu a veye navyo a la haana kigira liva mwoyo lilye.

Ayubu 2:6

Na Yahova ya volera Setani, Henza, a veye mmukono gugwo; navutswa u linde livamwoyo lilye.

Ayubu 2:9

Hene yaho mukali wewe ya mu volera, Ive kuduka kalunu u ki hambananga nobudukiru bubwo? Sivulana na Nyasaye, u kudze.

Zaburi 39:10

U twulidze liduya lilyo ku inze: Mmali kuheridzwa nelikuya lyomukono gugwo.

Isaya 65:3

va veye avandu mbihiridzanga kazozo imbiri wetsimoni tsyange, ava haananga vihaanwa mu milimi gyavo, nokuvuyidza vimuli ku matafali,

Isaya 8:21

Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu:

Kyavalevi 24:11

ma mwana womukali wa Israeli ya nyega Lieta, nokulaama; na va mu leta ku Musa. Na lieta lya mama wewe lya langwa Shelomithu, mwana wa Dibiri, wehiri ya Dan.

Kyavalevi 24:15

Na u la volera avana va Israeli, na u vole, Ku vosi uyu u laama Nyasaye wewe a la ginga ubwoni bwibwe.

Likunula 12:10

Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku